Wednesday, June 17, 2009

ပီနန်ရှိ မြန်မာမွတ်စလင်(မ်)တို့ဧ။် အိုအေစစ်လေးတစ်ခု

မလေးရှားနိုင်ငံရဲ့ အနောက်ဘက်မှာရှိတဲ့ ပီနန်ကျွန်းလေးမှာ အဝေးရောက်မြန်မာမွတ်စလင်(မ်) များအတွက် နွေးထွေးတဲ့ အသိုက်အမြုံလေးတစ်ခုကို ၂၀၀၇ခုနှစ်၊ ဇွန်လမှာ စတင်တည်ထောင် ဖွဲ့စည်းခဲ့ပါ တယ်။ လုံခြုံအေးမြသော အစ္စလာမ့်ပတ်ဝန်းကျင်လေးကို ပေးစွမ်းနိုင်တဲ့အဖွဲ့ကတော့ ပီနန်မြန်မာမွတ်စလင်(မ်) လူငယ်များကူညီမှုအသင်းပါပဲ။

မလေးရှားနိုင်ငံမှာ မြန်မာမွတ်စလင်(မ်)များနဲ့ပတ်သတ်ပြီး ပထမဆုံးတည်ထောင်ဖွဲ့စည်းခဲ့တဲ့ အသင်းအဖွဲ့တစ်ခုဖြစ်လို့ ကျွန်မစိတ်ဝင်တစားလေ့လာမိခဲ့ပါတယ်။ အသင်းရဲ့ရည်ရွယ်ချက်(၁၅)ချက်ကိုစတင် ဖတ်လိုက်ရစဉ်မှာပဲ ဤအသင်းရဲ့ လေးနက်တဲ့လုပ်ငန်းစဉ်တွေကို သိလိုက်ရတော့တယ်။

“ကျွန်ုပ်တို့၏လမ်းစဉ်ကား ကျမ်းမြတ်ကုရ်အာန်နှင့်စွန္နဟ်၏လမ်းစဉ်ပင်ဖြစ်သည်”

“ကျွန်ုပ်တို့သည် ကျမ်းမြတ်ကုရ်အာန်နှင့်စွန္နဟ်နှင့် ဆန့်ကျင်သောမည်သည့်ကိစ္စရပ်မျိုးကိုမဆို ရှောင်ကြဉ်သည်”

အထက်ပါရည်ရွယ်ချက်များဟာ ဘာသာရေးနဲ့ ပတ်သတ်တဲ့ လေးနက်မှန်ကန်တဲ့လမ်းစဉ်တွေပါပဲ။ ဤရည်မှန်းချက်များနှင့်အညီ အပတ်စဉ်စနေနေ့ညတိုင်းမှာ မြန်မာမွတ်စလင်(မ်)လူငယ်များအသိပညာနဲ့ ကိုယ်ကျင့်တရားမြင့်မားရေး၊ ဘာသာရေးအသိအမြင်တိုးပွါးရေးအတွက် အပါတ်စဉ်ဆရာအသီးသီးက ကုရ်အာန် နှင့်စွန္နဟ်ကို အခြေခံတဲ့ ဟောပြောပို့ချမှုများကို ပြုလုပ်ပေးလျက်ရှိပါတယ်။ ပီနန်မှာရှိတဲ့ဆရာများသာမကဘဲ ကွာလာလမ်ပူမှဆရာ၊ ဆရာမများ၊ ရန်ကုန်မှ ရောက်ရှိလာတဲ့ဆရာ၊ဆရာမများကိုပါ အခါအားလျော်စွာ ဖိတ်ကြားဟောပြောမှုတွေပြု လုပ်ခဲ့တဲ့အတွက် ကျွန်မအနေနဲ့ တန်ဖိုးမဖြတ်နိုင်တဲ့ ရှုထောင့်မျိုးစုံမှ ဘာသာရေးအသိပညာတွေရရှိခဲ့ပါတယ်။

ဒီအသင်းဟာ ဘာသာရေးသက်သက်အတွက်ဖွဲ့စည်းထားတဲ့ အသင်းလည်းမဟုတ်ပါဘူး။ဘာသာ ရေးနှင့်အတူလူမှုရေးအကူအညီများကိုပါ ကိုယ်ကျိုးမပါဘဲ အလ္လာအရှင်မြတ်ရဲ့နှစ်သက်မှုအတွက် ကူညီဆောင် ရွက်ပေးနေတာကိုလည်းတွေ့ခဲ့ရပါတယ်။

“ကျွန်ုပ်တို့သည် မလေးရှားရောက်မြန်မာမွတ်စလင်(မ်)များ၏ ကျန်းမာရေး၊စီးပွါးရေး၊ လူမှုရေး.........စသည့် အရေးကိစ္စများတွင်မိမိတို့တတ်စွမ်းနိုင်သည့်ဘက်မှ အစွမ်းကုန်ကူညီဆောင်ရွက်သွားပေမည်” ဆိုသောရည် ရွယ်ချက်အတိုင်းမွတ်စလင်(မ်) များသာမကဘဲ မွတ်စလင်(မ်)မဟုတ်သူမြန်မာနိုင်ငံသားများအတွက်ပါကူညီ ဆောင်ရွက်ပေးခဲ့သည့်မှတ်တမ်းများကိုပါ သိရှိလေ့လာခွင့်ရခဲ့ပါတယ်။ တကယ်တော့ အစ္စလာမ်သာသနာဟာ ဘာဘာအာဒမ်နဲ့မာမာဟာဝါက စတင်ပေါက်ဖွားလာတဲ့လူသားစုကြီးရဲ့ ကိုးကွယ်ရာဘာသာပါ။ တစ်မိတစ်ဖ တည်းကပေါက်ဖွားလာတဲ့အတွက် ကမ္ဘာပေါ်မှာရှိတဲ့လူသားအားလုံးဟာ ဆွေမျိုးရင်းချာမိသားစုကြီးတစ်ခုပါပဲ။ ကမ္ဘာ့မိသားစုကပေါက်ဖွားလာတဲ့အတွက်ကမ္ဘာပေါ်မှာရှိတဲ့လူသားအားလုံးဟာ ဆွေမျိုးရင်းချာမိသားစုကြီး တစ်ခုပါပဲ။ ကမ္ဘာ့မိသားစုကပေါက်ဖွားလာတဲ့ လူသားအချင်းချင်းအတွက်မေတ္တာတရားကို လက်ကိုင်ထားပြီး ဆောင်ရွက်ခဲ့တဲ့အသင်းရဲ့ကူညီမှုတွေဟာ ကျွန်မရဲ့စိတ်ထဲမှာအခုထိ စွဲထင်ကျန်နေဆဲပါ။ ဤအသင်းကိုစတင် တည်ထောင်ခဲ့တဲ့ ၂၀၀၇ခုနှစ်မှာပဲ ကူညီမှုလုပ်ငန်း(၁၃)ခုကို အသင်းအဖွဲ့ဝင်လူငယ်များကအင်တိုက်အားတိုက် ကြိုးပမ်းဆောင်ရွက်ခဲ့တာကိုသိလိုက်ရလို့ ကျွန်မစိတ်ထဲမှာမဖော်ပြနိုင်လောက်အောင် ကြည်နူးပီတိဖြစ်ရပါ တယ်။ဗုဒ္ဓဘာသာဝင်နှင့်ဟိန္ဒုဘာသာဝင်တို့ကိုပါ ကူညီပေးခဲ့သည့်မှတ်တမ်းများသည် အစ္စလာမ်ဘာသာ၏ ကြီးမြတ်သောမေတ္တာတရားရဲ့သက်သေလက္ခဏာများပင်မဟုတ်ပါလား။

အသင်းကော်မတီဝင်များဟာ မလေးရှားမှာရှိတဲ့ မြန်မာလူမျိုးများကိုသာကူညီခဲ့တာမဟုတ်ပါဘူး။

“ကျွန်ုပ်တို့သည်မြန်မာပြည်ရှိမြန်မာမွတ်စလင်(မ်)များအတွင်းဖြစ်ပေါ်လျှက်ရှိသည့် ဒုက္ခဟူသမျှကို မိမိတို့တတ် စွမ်းနိုင်သမျှ ကူညီဆောင်ရွက်သွားမည်” ဆိုတဲ့ရည်ရွယ်ချက်ကိုလည်းလက်တွေ့အကောင်အထည်ဖော်နိုင်ခဲ့ ပါတယ်။ နာဂစ်မုန်တိုင်းသင့်ခံရတဲ့မြန်မာပြည်ကပြည်သူများအတွက်ငွေကျပ်သိန်းပေါင်းများစွာကိုပေးပို့လှူဒါန်း ခဲ့ပါတယ်။ ဒါတင်မကသေးပါဘူး။၂၀၀၇ခုနှစ်မှာလည်း မြန်မာနိုင်ငံရှိအိမ်ခြေ(၅၀)အားအိစ်ဒ်နေ့ အသုံးပြုရန် အတွက်လုံလောက်သောငွေကြေးများကို အိမ်တ်ိုင်ရာရောက်ပေးပို့ခဲ့တယ်။ အဲဒီအိမ်ထောင်စုတွေထဲက မိသားစု တစ်စုရဲ့ ရင်ဖွင့်စာလေးကိုဖတ်ခဲ့ရတဲ့ ကျွန်မအခုထိမမေ့နိုင်သေးပါဘူး။ စာရေးပေးခဲ့တဲ့သူက ထောင်ကျနေတဲ့ သားတစ်ယောက်ရဲ့မိခင်ပါ။သားဖြစ်သူကိုထောင်ဝင်စာ သွားတွေ့ချင်ပေမယ့်ငွေကြေးအင်အားမတတ်နိုင်တဲ့ အတွက်တွေ့ခွင့်မရခဲ့ပါ။ အခုတော့“မြန်မာမွတ်စလင်(မ်)လူငယ်များကူညီမှုအသင်း” ကအိစ်ဒ်နေ့အတွက်ပေးလှူ လိုက်တဲ့ငွေနဲ့အိစ်ဒ်နေ့မှာသားဖြစ်သူကို ထောင်ဝင်စာသွားတွေ့နိုင်ခဲ့တဲ့ မိခင်တစ်ဦးရဲ့ ပီတိလှိုင်းဖြာတဲ့ရင်ဖွင့်စာ လေးဟာ အသင်းသူ၊အသင်းသားအားလုံးရင်ကိုကြည်နူးအေးမြသွားစေခဲ့ပါတယ်။

ဤအသင်းဟာ လှူဒါန်းမှုသက်သက်သာမကဘဲ နာရေးကိစ္စများကိုပါစီမံတာဝန်ယူဆောင်ရွက်ပေး ခဲ့ကြောင်းသိခဲ့ပြီး၊နာရေးကူညီခဲ့သည့်မှတ်တမ်းတင်ဓာတ်ပုံများကိုပါကြည့်ရှုခွင့်ရခဲ့ရာ မွန်မြတ်လှသောဤ အသင်းကိုလေးစားသွားမိတယ်။

လမြတ်ရာမသွာန်တစ်လလုံးမှာလည်း ဆွလာသ်ငါးကြိမ်ဝတ်ပြုခြင်း၊တရာဝီဟ်ဆွလာသ်ဝတ်ပြုခြင်း တို့သာမကမြန်မာမွတ်စလင်(မ်)များစုပေါင်းဝါဖြေပွဲကိုပါ စီစဉ်ကျင်းပပေးနိုင်ခဲ့ပါတယ်။ အိဒ်နေ့ဆွလာသ်ကို လည်းမြန်မာမွတ်စလင်(မ်)အားလုံးလာရောက်ဆွလာသ်ဝတ်ပြုနိုင်ရန် နှစ်စဉ်စီစဉ်ပေးခဲ့ပြီးဖြစ်ပါတယ်။ ဖခင်ကြီး တမာန်တော်အီဗရာဟင်(မ်)နှင့်သားတော် အီစ္စမိုင်လ်အိလ်တို့၏(မီလာသ်)လမ်းစဉ်ကို ဂုဏ်ပြုသောအားဖြင့် နောက်ဆုံးတမာန်တော်ကြီး မိုဟာမက်(ဆွ)၏ လမ်းစဉ်အတိုင်း အိဒ်ဒွလ်အဒွဟာပွဲတော်တွင် သားကောင်ကို အလ္လာအရှင်မြတ်ရဲ့နှစ်သက်မှုအတွက် နှစ်စဉ်မပြတ်လှူဒါန်းဝေငှခဲ့ပါတယ်။

အသင်းရဲ့ရည်ရွယ်ချက်တွေ မှန်ကန်စနစ်ကျရုံသာမကဘဲ၊ အသင်းကိုဖွဲ့စည်းတည်ထောင်ထားတဲ့ ရုံးခန်းလေးကလည်း စနစ်ကျသပ်ယပ်လှတာကြောင့် ကျွန်မကိုယ်တိုင်တောင်အတော်အံ့သြသွားမိတယ်။ ဟောပြောပွဲခန်းမပတ်ပတ်လည်မှာချိတ်ဆွဲထားတဲ့ ဒုအာကားချပ်မျိုးစုံက၀င်ရောက်လာသူကိုအေးမြမှုပေးလိုက် သလိုပါပဲ။တရားနာကြားသူတွေအတွက်လည်း ထိုင်ခုံတွေက ညီညီညာညာစီတန်းလို့။ ဆွလာသ်ဝတ်ပြုခန်းကိုလည်း အမျိုးသား၊အမျိုးသမီးသီးသန့်ခွဲခြားထား ကာ၊ အစ္စလာမ့်တရားတော်နှင့်အညီ ဂျမာအသ်ဖြင့် ၀တ်ပြုနိုင်ရန်လည်း စီစဉ်ပေးထားပါတယ်။ ဒါအပြင် သန့်ရှင်းသေသပ်တဲ့မီးဖိုချောင်နဲ့ စတိုခန်းပါထားရှိပါတယ်။
“ပုခက်တွင်းမှ သင်္ချိုင်းအထိ ပညာရှာဖွေစူးစမ်းကြကုန်” ဟူသော မြတ်တမာန်တော်ဧ။်သြ၀ါဒကို လိုက်နာဆောင်ရွက်နိုင်ရန်အတွက် စာကြည့်တိုက်ကိုလည်းဖွင့်လှစ်ထားပေးပါတယ်။ ကျွန်မစတင်ရောက်ရှိ ချိန်မှာ စာကြည့်တိုက်အတွင်းဗဟုသုတရှာဖွေဆည်းပူးဖတ်ရှုနေသူ အတော်များများကိုတွေ့ခဲ့စဉ် အသင်းတည် ထောင်သူများဧ။်စိတ်ကူးကောင်းပုံကို ချီးကျူးမိလိုက်သည်။
“မုအ်မင်န်သက်ဝင်ယုံကြည်သူတို့မှာ အချင်းချင်းညီရင်းအစ်ကို ၊မောင်ရင်းနှစ်မများသာဖြစ်ကြကုန်ဧ။်” ဟူသောကုရ်အာန် အာယသ်တော်အတိုင်းပင် ပီနန်ရှိလူငယ်များသည် အဖွဲ့ကွဲ၊သွေးကွဲစေမည့် လုပ်ရပ်များကို ရှောင်ရှားကာ စည်းစည်းလုံးလုံးတက်တက်ကြွကြွ ဆောင်ရွက်နေတာကိုကြည့်ရင်း မြန်မာမွတ်စလင်(မ်)တစ်ဦး အနေနဲ့ ကျွန်မဂုဏ်ယူမိပါတယ်။ ဤအသင်းရဲ့ ထူးခြားမှုတစ်ခုကတော့ ခေတ်ပညာတတ်အမျိုးသမီးများကိုယ်တိုင်တက်ကြွစွာ ဦးစီးဆောင်ရွက်တဲ့“အမျိုးသမီးကဏ္ဍ”အနေနဲ့ဖွဲ့စည်း ထားခြင်းပါပဲ။ မိဝေး၊ဖဝေး၊နိုင်ငံရပ်ခြားကိုရောက်ရှိလာတဲ့ မွတ်စလင်(မ်)အမျိုးသမီးငယ်လေးတွေကို ဘာသာတရားရဲ့ လုံခြုံတဲ့အေးရိပ်အောက်မှာရှိအောင် ကာကွယ်ပေးထားပါတယ်။ အခက်အခဲ၊ ဒုက္ခနဲ့ရင်ဆိုင် ကြုံတွေ့ရတဲ့ အမျိုးသမီးလေးများကိုလည်း အမျိုးသမီးအချင်းချင်းစာနာနားလည်စွာဖေးမကူညီပေးနေတာ ကျွန်မမျက်မြင်ပါပဲ။ အခုဆိုရင်မျိုးချစ်စိတ်ရှိတဲ့၊ဘာသာသာသနာအကျိုးကိုသယ်ပိုးလိုတဲ့ လူငယ်အသင်းဝင်တွေ တဖြည်းဖြည်းတိုးပွါးလာခဲ့ပါပြီ။ ကိုယ်ကျိုးအတွက်မရည်ရွယ်ဘဲ အလ္လာဟ်ရဲ့ နှစ်သက်မှု အတွက် အများအကျိုးကိုသယ်ပိုးလိုတဲ့ အသင်းဝင်တိုင်းကိုလည်း လက်ကမ်းကြိုဆိုလျက်ပါပဲ။ ဒီအသင်းကို လာရောက်ခွင့်၊လေ့လာခွင့်ရခဲ့တဲ့အတွက်လည်း ကျွန်မအတိုင်းအဆမရှိကျေနပ်မိပါတယ်။ ကျွန်မတို့မြန်မာ လူမျိုးတွေရဲ့ ဘယ်နေရာပဲရောက်ရောက်သွေးစည်းညီညွတ်တဲ့၊ အချင်းချင်းရိုင်းပင်းကူညီတဲ့စိတ်ဓာတ်ကိုလည်း အထင်းသားတွေ့မြင်ခွင့်ရခဲ့ပါတယ်။
သာသနာ့အကျိုးပြု၊လူမှုရေးအကျိုးပြု လုပ်ငန်းများကိုစဉ်ဆက်မပြတ် လုပ်ကိုင်ဆောင်ရွက်လာသော “ပီနန်မြန်မာမွတ်စလင်(မ်)ကူညီမှုအသင်း”သည် ယခုဆိုလျင်(၂)နှစ်ပြည့်မြောက်ခဲ့ပေပြီ။ ယခု(၂)နှစ်မြောက် ကာလမှသည် နောင်နှစ်ပေါင်းများစွာတိုင် လူသားအားလုံးဧ။် အကျိုးကို သယ်ပိုးဆောင်ရွက်နိုင်ပါစေဟု ကျွန်မဆန္ဒပြုလိုက်မိပါတယ်။
သစ္စာမွန်(ဆေး-မန်း)

Saturday, June 13, 2009

အကောင်းဆုံး

ကိုယ့်ဘ၀နဲ့ ကိုယ့်အိပ်မက်ကို
လူသားတိုင်းက အကောင်းဆုံးဖြစ်ချင်ကြတာချည်းပဲ
ကဲ.....ဘာအကောင်းဆုံးလုပ်မလဲဆိုတော့
တစ်ယောက်မျက်နှာ တစ်ယောက်ကြည့်ပြီးမေးငေါ့
ဘာမသိ ညာမသိနဲ့ အိပ်ငိုက်သူကအိပ်ငိုက်
အချို့ကရင်ဘတ်အဟောင်းကြီးကို လက်မှတ်အဟောင်းကြီးနဲ့
လမ်းဟောင်းကြီးအတိုင်းပေါ့..........
ဟေ့ ဒီမှာ ဒါရုပ်ရှင်ရိုက်နေတာမဟုတ်ဘူး
ကိုယ့်ကိုကိုယ် ပြည့်စုံနေပြီးသားလို့ အထင်နဲ့
အတ္တတစ်ခုကို ထမင်းအိုးထည့်ချက်ပုံက
မနူးမနပ်နဲ့..........
ယနေ့ မိုးသည်းထဲကဘ၀တွေကိုစာနာပါဦးလား
ခိုကိုးရာမဲ့ ငါတို့အနာဂတ်လေးတွေ
မျှော်လင့်ချက်မဲ့ သွားသော ငါတို့ပန်းတိုင်
အလင်းမဲ့နေသော အသိုက်အမြုံတချို့
ဒီမိုးသည်းကြီးထဲက ငါလွတ်ရင်ပြီးရောဆိုပြီး
ထီးတစ်ချောင်းနဲ့လက်ပိုက်ကြည့်ရင် မင်း.....
တစ်မိုးအောက်က တစ်မျိုးသားထဲချင်း.....
ဘ၀တွေ အိပ်မက်တွေရွှေချဖို့.....
အ၀ါရင့်ရောင်သမိုင်းသစ်ကိုထူစို့.......။


မှန်ကြီး(ခေတ္တ မလေးရှား)

Monday, June 8, 2009

မြန်မာမွတ်စလင်မ်ပညာရှင်များသို့

ကျွန်ုပ်တို့ ပီနန်မြန်မာမွတ်စလင်မ်လူငယ်များ ကူညီမှုအသင်းသည် မလေးရှားရောက် မြန်မာမွတ်စလင်မ်များ အစ္စလာမ့်ဘ၀တည်ဆောက်မှုလမ်းစဉ်နှင့်အညီ မိမိတို့၏ ဘ၀များကို တည်ဆောက်နိုင်စေရန် ရည်ရွယ်၍ မိမိတို့ တတ်စွမ်းနိုင်သမျှ အစီအစဉ်များကို ပြုလုပ် ဆောင်ရွက်ပေးလျှက်ရှိပါသည်။ ထိုအစီအစဉ်များအတွင်းမှ အစီအစဉ်တစ်ခုမှာ တနင်္ဂနွေနေ့ အပတ်စဉ် ဟောပြောတင်ပြမှုအစီအစဉ်ပင် ဖြစ်သည်။ ထိုအစီအစဉ်တွင် ကျွန်ုပ်တို့ ပီနန်မြန်မာမွတ်စလင်မ် လူငယ်များကူညီမှုအသင်း ဆပ်ကော်မတီအနေနှင့် ပီနန်အခြေစိုက် ပညာရှင်များ၊ မလေးရှားအခြေစိုက် ပညာရှင်များ၊ မလေးရှားသို့ ခတ္တခဏ အလည်အပတ်ဖြင့် ဖြစ်စေ၊ အကြောင်းအမျိုးမျိုးနှင့် မလေးရှားသို့ ရောက်ရှိလာသည့် မြန်မာမွတ်စလင်မ်ပညာရှင် ဆရာ/ကြီး၊ ဆရာမ/ကြီးများကို ပင့်ဖိတ်ကာ အစ္စလာမ့်နှင့်နှီးနွယ်ပတ်သက်သည့် ဟောပြောပွဲများကို ကျင်းပပေးခဲ့ပါသည်။ ကျင်းပပေးနေပါသည်။ အင်ရှာ အလ္လာဟ် ကျင်းပပေးလိမ့်အုံးမည် ဖြစ်ပါသည်။

ကျွန်ုပ်တို့အနေနှင့် ကျမ်းမြတ်ကုရ်အာန်နှင့် စွန္နာဟ်ကိုအခြေခံ၍ ဘက်စုံဖွံ့ဖြိုးတိုးတက်သော အစ္စလာမ့်လူ့ဘောင် အား တည်ဆောက်နိုင်ရန် ရည်ရွယ်ထားပါသောကြောင့် ကျွန်ုပ်တို့၏ တနင်္ဂနွေနေ့အပတ်စဉ် ဟောပြောတင်ပြမှု အစီအစဉ်တွင် ဘာသာရေး၊ ပညာရေး၊ စီးပွားရေး၊ ကျန်းမာရေး၊ လူမှုရေး၊ နိုင်ငံရေးစသည်ဖြင့် ဘက်စုံ၊ ကဏ္ဍစုံနှင့် သက်ဆိုင်သော ဟောပြောတင်ပြမှုများကို ပြုလုပ်ကျင်းပပေးရန် ရည်ရွယ်ထားပါသည်။ သို့ပါ သောကြောင့် မြန်မာမွတ်စလင်မ်ပညာရှင်များအနေနှင့် မိမိတို့ ကျွမ်းကျင် ပိုင်နိုင်စွာ တတ်မြောက်ထားသည့် ကဏ္ဍအသီးသီးနှင့် စပ်လျဉ်း၍ ကျွန်ုပ်တို့ ပီနန်မြန်မာမွတ်စလင်မ်လူငယ်များ ကူညီမှုအသင်းသို့ ကြွရောက်ကာ မိမိတို့၏ မွန်မြတ်သန့်ရှင်းသည့် ၊ တိကျခိုင်မာသည့်၊ အထောက်အထားခိုင်လုံသည့်၊ လူသားများကို နှစ်ဘ၀၊ နှစ်ဌာနတွင် အကျိုးပြုနိုင်သည့် ပညာရပ်များကို လာရောက် ဖြန့်ချိ ဟောကြားပေးပါရန် လေးစားစွာဖြင့် ဖိတ်ကြားအပ်ပါသည်။

မိမိတို့၏ အတတ်ပညာ၊ အသိပညာများကို လာရောက်ပို့ချလိုသည့် ပညာရှင်ပုဂ္ဂိုလ်များ အနေနှင့် ကျွန်ုပ်တို့ ပီနန် မြန်မာမွတ်စလင်မ်လူငယ်များကူညီမှုအသင်း၏ ဥက္ကကြီးဖြစ်သည့် ရှိုင်ခ်မုဟမ္မဒ်အာရိဖ်ဆပ်နှင့် အောက်ပါလိပ်စာအတိုင်း ဆက်သွယ်နိုင်ပါကြောင်း ရိုသေ လေးစားစွာဖြင့် အသိပေးအပ်ပါသည်။

Sheik Muhammed Arif Saab
President
Penang Myanmar Muslim Youth Helping Association
No. 364, 3rd floor, Sungai Glogur, 11700, Pulau Penang, Malaysia
Phone No: 00601 74170786
Email: presidentsmarif@gmail.com
Web: http://mmyhapenang.blogspot.com

လာရောက်ဟောကြားမည့် ပညာရှင်များအား လေးစားရိုသေစွာဖြင့် အနှုးအညွတ် ပန်ကြားလိုသည်မှာ

၁။ ကျွန်ုပ်တို့ ပီနန်မြန်မာမွတ်စလင်မ်လူငယ်များကူညီမှုအသင်းသည် အဟ်စွန္နာသ်ဝလ်ဂျမာအသ်၏ လမ်းစဉ်နှင့် ဆန့်ကျင်သော မည်သည့် ပြောဆိုမှု၊ ဟောကြားမှု၊ ကိုးကားမှုမျိုးကိုမဆိုရှောင်ကြဉ်သည်။

၂။ ကျွန်ုပ်တို့သည် မြန်မာမွတ်စလင်မ်များ၏ သွေးစည်း ညီညွတ်ခိုင်မာမှုကို မိမိတို့၏ အသက်များထက် ပိုမို၍ မြတ်နိုးကြသည်ဖြစ်ပါသောကြောင့် မြန်မာမွတ်စလင်မ်များ၏ သွေးစည်းညီညွတ်မှု ပျက်ပြားစေမည့် မည်သည့်ကိစ္စရပ်ကိုမဆို ရှောင်ကြဉ်ပါသည်။

၃။ ကျွန်ုပ်တို့သည် ကျမ်းမြတ်ကုရ်အာန်နှင့် စွန္နာဟ်၏ လမ်းစဉ်ကို အခြေခံ၍ မြန်မာမွတ်စလင်မ်များ၏ သွေးစည်း ခိုင်မာမှုကို စွမ်းဆောင်ပေးမည့် မည်သည့် ပညာရှင်ကိုမဆို၊ မည်သည့် ပုဂ္ဂိုလ်ကိုမဆို ကျွန်ုပ်တို့၏ နှလုံးသားအတွင်းမှ ဖြူစင်သောသဒ္ဓါတရား အိခ်လားဆ်ွဖြင့် လှိုက်လှိုက်လှဲလှဲ ကြိုဆိုလျှက်ရှိပါသည်။

၎။ အလ္လာဟ်အရှင်မြတ်သည် ပညာ၊ စည်းစိမ်၊ ဥစ္စာ၊ ကာယခွန်အား၊ ဉာဏခွန်အားစသည့်ဖြင့် မိမိတို့အား ချီးမြှင့် ထားသည့် အရာများကို အလ္လာဟ်အရှင်မြတ်အတွက် ဖြူစင်သန့်ရှင်းသောသဒ္ဓါတရားဖြင့် အလ္လာဟ်အရှင်မြတ် လမ်းတော်တွင် မိမိတို့ တတ်နိုင်သမျှ မျှဝေ ရုန်းကန်လှုပ်ရှားကြပါကုန်။ ဧကန်စင်စစ် အလ္လာဟ်အရှင်မြတ်သည် မုဟ်စီးန်များအား ချစ်ကြည်မြတ်နိုးတော်မူ၏။ အလ္လာဟ်အရှင်မြတ်၏ ချစ်ကြည် မြတ်နိုးခြင်းကား၊ ကျေနပ်နှစ်မြို့ခြင်းကား အကြီးကျယ်ဆုံးဖြစ်တော်မူပါသည်။


Saturday, June 6, 2009

ကရင်ပြည်နယ်ရှိ နှစ်ပေါင်းတစ်ရာကျော်သက်တမ်းရှိသော ဗလီဝတ်ကျောင်းတော်အား ဒီ.ကေ.ဘီ.အေ အဖွဲ.က ဖြိုချဖျက်ဆီးလိုက်ခြင်း



ဤဗလီသည် ဒီကေဘီအေ အဖွဲ.မှ တတိယမြောက်ဖျက်ဆီးလိုက်သော ဗလီဝတ်ကျောင်းတော် ဖြစ်သည်။ ဒီကေဘီအေ အဖွဲ.သည် မြန်မာစစ်အစိုးရနှင့် စပ်ဆက်လျက်ရှိသော ကရင်ဗုဒ္ဓဘာသာအဖွဲ.ဖြစ်သည်။
အဆိုပါနှစ်ပေါင်းတစ်ရာကျော်သက်တမ်းရှိသော ဗလီဝတ်ကျောင်းတော်သည် ကရင်ပြည်နယ်၊ ဖာပွန်မြို့နယ်၊ ကတိုင်တိကျေးရွာ တွင်တည်ရှိသည်။ ထိုဗလီကို ၂၀၀၉ခုနှစ်၊ မေလ(၂)ရက်နေ့၊ မနက် ၇ နာရီ ၁၅မိနစ် အချိန်တွင် ဒီကေဘီအေ လက်နက်ကိုင်တပ်ဖွဲ.၀င်ဆယ်ယောက်ဦးဆောင်သော လူငါးဆယ်ခန့်က ဖြိုချဖျက်ဆီးခဲ့ဧ။်။
ဤဗလီအားရွှေ့ပြောင်းဖယ်ရှားရန် အမိန့်ကို မြိုင်ကြီးငူဆရာတော်ဧ။် ဆန္ဒအရ ဒီကေဘီအေခေါင်း ဆောင်များက ထုတ်ပြန်ခဲ့ခြင်းဖြစ်သည်။ မွတ်စလင်(မ်)ဘာသာရေး အဖွဲ.အစည်းများမှ ဤဗလီဝတ်ကျောင်း တော်ရွှေ့ပြောင်းဖယ်ရှားမှုကို တားဆီးရန် မေတ္တာရပ်ခံပန်ကြားလွှာကို နိုင်ငံတော်အေးချမ်းသာယာရေးနှင့် ဖွံ့ဖြိုး ရေးကောင်စီသို့ တင်ပြခဲ့သော်လည်း မြန်မာစစ်အစိုးဧ။် လျစ်လျူရှုခြင်းခံခဲ့ရပါသည်။

Friday, June 5, 2009

အလ်ဟာဂျဟ်ဒေါက်တာစန္ဒာချစ်ဧ။် မှတ်တမ်း

ပီနန်မြန်မာမူစလင်(မ်)လူငယ်များကူညီမှုအသင်းနှစ်ပတ်လည် အမှတ်တရ
ခေတ်ရဲ့တောင်းဆိုမှုနဲ့ မြန်မာလူငယ်များအမိမြေမှ ခွဲခွာပြီး ဘ၀တိုးတက်မှုအတွက် ရှာနေချိန် မှာပီနန်ရောက်မြန်မာမွတ်စလင်(မ်) လူငယ်များအတွက် အခုလို မွတ်စလင်(မ်)မိသားစု အသင်းအဖွဲ.လေးပေါ် ပေါက်ခဲ့ခြင်းဟာ အလ္လာဟ်အရှင်ရဲ့ ရဟ်မသ်ဖြစ်ပါတယ်။ ခေတ်ပညာတတ် အမျိုးသမီး၊ အမျိုးသား၊ လူငယ်၊ လူရွယ်၊ လူကြီးစုံလင်စွာပါဝင်တဲ့ သာသနာ့အကျိုးပြု၊ လူမှုရေးအကျိုးပြု အဖွဲ.တစ်ခုအနေနဲ့ နှစ်ပတ်လည်မှသည် နှစ်ပေါင်းများစွာ ရပ်တည်လှုပ်ရှားနိုင်ပါစေ။ အဓွန့်ရှည်အောင်လည်း ကျိုးပမ်းသွားကြပါ။
အစ္စလာမ့်အသိုင်းအ၀ိုင်းအသင်းအဖွဲ. များမှာ မူကွဲ၊လူကွဲ၊အဖွဲ.ကွဲများ မည်သို့ပင်များပြားနေပါ စေ၊ မြန်မာမွတ်စလင်(မ်)ပီနန်လူငယ်များဟာ အလ္လာဟ်အတွက် စေတနာသက်သက်နဲ့ မညီညွတ်တဲ့ သွေးကွဲစေ မယ့်လုပ်ရပ်များကိုဘေးဖယ်ပြီး လုပ်ငန်ဖြစ်မြောက်အောင်မြင်ရေးကို အာရုံစူးစိုက်ပြီး သည်းခံမှု၊ ဇွဲရှိမှုတို့နဲ့ ရှေ့ဆက်လုပ်ဆောင်သွားကြဖို့ကိုလည်း တိုက်တွန်းလိုပါတယ်။
အစ္စလာမ်ကပေးထားတဲ့ အမျိုးသမီးများရဲ့ အခန်းဏ္ဍကို အရေးထားပြီး အမျိုးသားများက ညီအစ်ကို မောင်နှစ်မအရင်းနှင့်မခြား ဖေးမနေရာထားဖို.ကတော့ ခုခေတ်မှာ အလိုအပ်ဆုံးဖြစ်ပါတယ်။ အဝေးရောက်မြန်မာမွတ်စလင်(မ်)အမျိုးသမီး၊ အမျိုးသားများအားလုံးဟာ ပျော်ရွှင်စရာမြန်မာမွတ်စလင်(မ်) အသိုက်အမြုံကို ဖန်တီးနိုင်ဖို့ နွေးထွေးတဲ့ အစ္စလာမ့် ပတ်ဝန်းကျင်တစ်ခုရပ်တည်နေနိုင်ဖို့ အာရုံပြု ကျိုးစားစေ ချင်ပါတယ်။ အိမ်ထောင်စုတစ်ခုရဲ့ အတွင်းအားဟာ အမျိုးသမီးများရဲ့ သာသနာ့အသိရှိမှု၊လိမ္မာရေးခြားရှိမှု၊ အမြော်အမြင်ရှိမှုတွေမှာ မူတည်တာကြောင့် အမျိုးသား၊ အမျိုးသမီးများအားလုံး ပေါင်းစည်း လှူပ်ရှာပြီး သာယာတဲ့ အစ္စလာမ့် မိသားစုလေးဖြစ်နိုင်ဖို့ ကြိုးစားကြပါ။
ကျွန်မတို့ရဲ့ အစ္စလာမ်ဓမ္မဗိမာန်ရဲ့ ဦးတည်ချက် ရည်မှန်းချက်“အနာဂတ်သားမြေး မွတ်စလင် ပီသရေး” အတွက်ဆောင်ရွက်နေကြသလို ပီနန်မွတ်စလင်(မ်) လူငယ်များကလည်းကိုယ့်နည်းကိုယ့်ဟန် လုပ်ငန်းမှန်စွာ ရှေ့ဆက် လှူပ်ရှားသွားနိုင်လိမ့်မယ်လို့ မျှော်လင့်ပါတယ်။ အခါအားလျော်စွာ အစ္စလာမ်ဓမ္မဗိမာန် မှ စာအုပ်များ၊တရားခွေများ၊ လူမှုရေးကိစ္စများနဲ့ လိုအပ်မဲ့ ပံ့ပိုးမှုများကိုလည်း ရင်းနှီးစွာ အားပေးလုပ်ဆောင် သွားမှာပါ။ ပီနန်မွတ်စလင်(မ်)လူငယ်များအောင်လွှင့်လို့ ကြွားဝင့်နိုင်ပါစေ၊ အောင်မြင်နိုင်ပါစေလို့ ဆန္ဒပြုတောင်းဆုခြွေလျက်...........
ဟာဂျီမ ဒေါက်တာစန္ဒာချစ်
တွဲဖက်ဦးဆောင်ဆော်သြရေးမှူး
အစ္စလာမ့်ဓမ္မဗိမာန်

အသင်း၏ရည်ရွယ်ချက်များ

၁။ ကျွန်ုပ်တို့သည် အဟ်လေ့စွန္နာဟ်ဝလ်ဂျမာအဟ်ဝင်များ ဖြစ်ကြပေသည်။

၂။ ကျွန်ုပ်တို့၏ လမ်းစဉ်ကား ကျမ်းမြတ်ကုရ်အာန်နှင့် စွန္နာဟ်၏ လမ်းစဉ်ပင် ဖြစ်သည်။

၃။ ကျွန်ုပ်တို့သည် ကျမ်းမြတ်ကုရ်အာန်နှင့် စွန္နာဟ်နှင့် ဆန့်ကျင်သော မည်သည့် ကိစ္စရပ်မျိုးကိုမဆို ရှောင်ကြဉ် သည်။ (ဥပမာ- ဆရာသခင် ၀ါဒ)

၎။ ကျွန်ုပ်တို့သည် အွမ္မသ်ထု ပြိုကွဲစေမည့် အကြောင်းအရင်းဟူသမျှကို ရှောင်ကြဉ်သကဲ့သို့ အွမ္မသ်ထု ပြိုကွဲအောင်ပြုလုပ်မည့် မည်သည့်ပုဂ္ဂိုလ်ကို မဆို ဆန့်ကျင် ရှောင်ကြဉ်ကြပေသည်။

၅။ ကျွန်ုပ်တို့သည် ကျမ်းမြတ်ကုရ်အာန်နှင့် စွန္နာဟ်ကို အခြေခံ၍ ဘက်စုံ၊ ကဏ္ဍစုံတွင် ခေတ်မီ ဖွံ့ဖြိုး တိုးတက်သောမွတ်စလင်မ်လူ့ဘောင်တစ်ခုအား အားလုံး စုပေါင်း၍ အင်ရှာအလ္လာဟ် ထူထောင်သွားပေမည်။

၆။ ကျွန်ုပ်တို့သည် ကျမ်းမြတ်ကုရ်အာန်နှင့် စွန္နာဟ်ကို အခြေခံ၍ ခေတ်အခြေအနေနှင့် လိုက်လျောညီထွေဖြစ်သော ဒါအ်ဝဟ်လုပ်ငန်းအား လုပ်ဆောင်ပေမည်။

၇။ ကျွန်ုပ်တို့သည် ဂိုဏ်းဂဏ၊ လူမျိုး၊ အသားအရောင်၊ ဇာတ်၊ လိင် မခွဲခြား ဘဲ မွတ်စလင်မ်တို့၏ စည်းလုံးညီညွတ်စွာနေထိုင်နိုင်ရေး၊ အွမ္မသ်သေ့ ၀ါဟိဒါဟ်ဆိုသည့် တစ်ခုတည်းသောအွမ္မသ်လူ့ဘောင်အား တည်ထောင်၍ မွတ်စလင်မ်တို့၏ အခွင့်အရေးများ အပြည့်အ၀ရရှိ၍ နှစ်ဘ၀၊ နှစ်ဌာနတွင် အောင်မြင်သော သူများဖြစ်အောင် ကူညီဖေးမသွားပေမည်။

၈။ မလေးရှားရောက် မြန်မာမွတ်စလင်မ်များ၏ လူ့အခွင့်အရေးအပြည့်အ၀ ရရှိအောင် မိမိတို့ တတ်စွမ်းနိုင်သမျှ စွမ်းစွမ်းတမံ စွမ်းဆောင်သွားပေမည်။

၉။ မြန်မာမွတ်စလင်မ်အမျိုးသား၊ အမျိုးသမီးများ၏ ရပိုင်ခွင့်များ၊ အခွင့်အရေးများ၊ အထူးသဖြင့် မြန်မာမွတ်စလင်မ်အမျိုးသမီးများ၏ ရပိုင်ခွင့်များ၊ အခွင့်အရေးများကို ကူညီကာကွယ်စောင့်ရှောက်သွားပေမည်။

၁၀။ ကျွန်ုပ်တို့သည် ကျမ်းမြတ်ကုရ်အာန်နှင့် စွန္နာဟ်ပေါ်တွင် အခြေခံ၍ အနာဂတ်သားမြေးများ မွတ်စလင်မ်ပီသရေးကို ဆောင်ရွက်မည်။

၁၁။ ကျွန်ုပ်တို့သည် အနာဂတ်သားမြေးများအား ပညာရေး၊ နိုင်ငံရေး၊ စီးပွားရေး၊ ဘာသာရေး၊ လူမှုရေးစသည့်ဖြင့် ကဏ္ဍစုံတွင် ဘက်စုံဖွံ့ဖြိုး တိုးတက်သော၊ ခေတ်စနစ်နှင့် လိုက်လျောညီထွေဖြစ်သော၊ ကျမ်းမြတ် ကုရ်အာန်နှင့် စွန္နာဟ်နှင့် လိုက်လျော်ညီထွေဖြစ်သော လူတော်၊ လူကောင်း၊ လူမွန်၊ လူမြတ်များဖြစ်အောင် ကူညီဆောင်ရွက်သွားပေမည်။

၁၂။ ကျွန်ုပ်တို့သည် မလေးရှားရောက် မြန်မာမွတ်စလင်မ်များ၏ ကျန်းမာရေး၊ စီးပွားရေး၊ လူမှုရေး --- စသည့် အရေးကိစ္စများတွင် မိမိတို့ တတ်စွမ်းနိုင်သည့်ဘက်မှ အစွမ်းကုန် ကူညီဆောင်ရွက်သွားပေမည်။

၁၃။ ကျွန်ုပ်တို့သည် မြန်မာပြည်ရှိ မြန်မာမွတ်စလင်မ်များအတွင်းဖြစ်ပေါ် လျှက်ရှိသည့် ဒုက္ခဟူသမျှကို မိမိတို့ တတ်စွမ်းနိုင်သမျှကူညီဆောင်ရွက် သွားမည်။

၁၄။ ကျွန်ုပ်တို့၏ အသင်းခေါင်းစဉ်တွင် သုံးနှုန်းထားသည့် မြန်မာမွတ်စ လင်မ်ဟူသော အဓိပ္ပါယ်ဖွင့်ဆိုချက်မှာ မိမိကိုယ်ကို မိမိ မြန်မာဟုခံယူထား သည့် အစ္စလာမ်ကို မိမိတို့၏ (ဒီးန်)ဘ၀တည်ဆောက်မှုလမ်းစဉ်အဖြစ်လည်း ကောင်း၊ သာသနာအဖြစ်လည်းကောင်း လက်ခံယုံကြည်ထားသည့် အမျိုး သား၊ အမျိုးသမီးတိုင်းနှင့် သက်ဆိုင်ပေသည်။

၁၅။ ကျွန်ုပ်တို့သည် ကိစ္စရပ်ဟူသမျှတို့တွင် အလ္လာဟ်အရှင်မြတ်၏ နှစ်မြို့မှု ကို ရှေ့ရှု၍ ဖြူစင်သန့်ရှင်းသည့် သဒ္ဓါတရား(အိခ်လားဆွ်)ဖြင့် ဆောင်ရွက် သွားပေမည်။ ဧကန်စင်စစ် အလ္လာဟ်အရှင်မြတ်၏ နှစ်မြို့မှုသည်သာ အကြီးကျယ်ဆုံးဖြစ်တော်မူပါသည်။

မြန်မာမွတ်စလင်မ်လူငယ်များကူညီမှုအသင်း၏ ဖြစ်ပေါ်လာသောနောက်ခံသမိုင်းအကျဉ်းချုပ်

အလ္လာဟ်အရှင်မြတ်မိန့်တော်မူထားသည်မှာ-

وكُوْنُوْا مَعَ الصَّادِقِيْنَ

ထို့ပြင် အသင်တို့သည် သစ္စာဝါဒီတို့နှင့် အတူနေထိုင်ကြလေကုန်။ (ကုရ်အာန် ၉း ၁၁၉)

ကျွန်ုပ်တို့ မြန်မာမွတ်စလင်မ်များသည် အခြေအနေအကြောင်းကြောင်းကြောင့် မလေးရှားနိုင်ငံ တွင် လာရောက်ကာ အလုပ်လုပ်ကိုင်လျှက်ရှိကြ ချေသည်။ ထိုပုဂ္ဂိုလ်တို့သည် မြန်မာနိုင်ငံမှ ကွဲပြားခြားနားသောမျိုးနွယ်စု အသွယ်သွယ်မှ မွေးဖွားဆင်းသက်လာကြသောသူများ ဖြစ်ကြချေသည်။ သို့သော် ကျွန်ုပ်တို့တွင် တူညီမှုတစ်ခုရှိချေသည်။ ထိုတူညီမှုကား (لاإله إلا الله محمد رسول الله) အလ္လာဟ်အရှင်မြတ်မှအပ အခြားခ၀ပ်ကိုးကွယ်ခြင်း ခံယူထိုက်တော်မူသော အရှင်မရှိ၊ နဗီတမန်တော်မြတ်မုဟမ္မဒ်(صلي الله عليه وسلم)သည် အလ္လာဟ်အရှင်မြတ်၏ ရစူလ်တမန်တော်ဖြစ်သည်ဆိုသော သန့်ရှင်းစင်ကြယ်လှသည့် ကလိမာဟ် စကားတော်အပေါ်တွင် ကြည်ဖြူ သန့်ရှင်းစင်ကြယ်သော သဒ္ဓါတရားဖြင့် သက်ဝင်ယုံကြည်ခြင်းဖြစ်သည်။ ထိုကလိမဟ်တော်ကို နှုတ်မှ ထုတ်ဖော် ရွတ်ဆို၍ နှလုံးသားမှ နှစ်နှစ်ကာကာသက်ဝင် ယုံကြည်ကြလျှက် ထို ကလိမာဟ်တော်မှ ညွှန်ပြသောကျင့်စဉ်၊ ကျင့်ရပ်များကို လိုက်နာ ကျင့်သုံး ဘ၀တည်ဆောက်ကြသည့် ပုဂ္ဂိုလ်တိုင်းကို မွတ်စလင်မ်ဟု ခေါ်ဆိုကြသည်။ ထိုမွတ်စလင်မ်များသည် တစ်ဦးနှင့်တစ်ဦးညီနောင်များ၊ ညီမများ ဖြစ်ကြချေသည်။ ကျမ်းမြတ်ကုရ်အာန်တွင် အလ္လာဟ်အရှင်မြတ် မိန့်တော်မူ ထားသည်မှာ-

إنما المؤمنون إخوة

“မုအ်မင်န်သက်ဝင်ယုံကြည်သူတို့မှာ (အချင်းချင်း) ညီအစ်ကိုများသာ ဖြစ်ကြကုန်၏။” (ကုရ်အာန် ၄၉း ၁၀)

ဖော်ပြပါအာယသ်တော်အရ မွတ်စလင်မ်များသည် ညီနောင်များ၊ ညီမများ သာဖြစ်ကြပေသည်။ တမန်တော်မြတ်(صلي الله عليه وسلم)က -

“မွတ်စလင်မ်များသည် မွတ်စလင်မ်၏ညီနောင်ဖြစ်သည်။ အချင်းချင်း မကျူး ကျော် မစော်ကားရ၊ ဒုက္ခမပေးရ။”ဟူ၍လည်းကောင်း၊

“လူတစ်ယောက်သည် မိမိ၏ညီနောင်အား ကူညီရိုင်းပင်းနေသမျှ ကာလ ပတ်လုံး အလ္လာဟ်အရှင်မြတ်သည် ထိုသူအား ကူညီရိုင်းပင်းတော်မူမည်သာ ဖြစ်သည်။” ဟူ၍လည်းကောင်း၊

“မွတ်စလင်မ်တစ်ဦးသည် မိမိ၏ညီနောင်အတွက် နောက်ကွယ်ရာတွင် ဆုပန်ကြားပါက ကောင်းကင်တမန်က (အာမီးန်) ဤအတိုင်းဖြစ်ပါစေ၊ အသင်သည်လည်း မိမိ ထိုဆုပန်ကြားသည်နှင့်အမျှ ရသည်ဖြစ်ပါစေဟု ဆိုလေသည်။” ဟူ၍လည်းကောင်း၊

“မွတ်စလင်မ်တို့သည် တစ်ဦးနှင့် တစ်ဦး ဆက်ဆံရာတွင် အချင်းချင်း မေတ္တာ၊ ကရုဏာထားကြပါ။ အဘယ်ကြောင့်ဆိုသော် မွတ်စလင်မ်များ အာလုံးသည် ခန္ဓာကိုယ် တစ်ခုတည်းကဲ့သို့ ဖြစ်ကြသည်။ ကိုယ်ခန္ဓာ၏ အစိတ်အပိုင်းတစ်ခု နာကျင်လျှင် ခန္ဓာတစ်ခုလုံး နာကျင်သည်သာ ဖြစ်သည်” ဟူ၍ လည်းကောင်း၊

“မွတ်စလင်မ်များသည် အုတ်နံရံနှင့် တူသည်။ အုတ်နံရံရှိ အချို့အစိတ် အပိုင်းများသည် အချို့အစိတ်အပိုင်းများကို ခိုင်မာတောင့်တင်းစေလျှက် ရှိသည်”ဟူ၍ လည်းကောင်း အမျိုးမျိုးပုံဆောင်ကာ လေးနက်စွာ မိန့်ကြား တော်မူခဲ့လေသည်။

ထိုကဲ့သို့သော ကျမ်းမြတ်ကုရ်အာန်နှင့် တမန်တော်မြတ်၏စွန္နာဟ်ကို လက်တွေ့အကောင်အထည် ဖော်ချင်သော ကျွန်ုပ်တို့ညီနောင်၊ ညီမတစ်စု သည် အလ်ဟာဂ်ျအိက်ဗါးလ်၏နေအိမ်တွင် စုပေါင်းညီညာစွာဖြင့် တွေ့ဆုံ ကြ၍ ကျွန်ုပ်တို့၏ ချစ်လှစွာသောမြန်မာမွတ်စလင်မ်ညီနောင်များအားလုံး အား ကိုယ်စားပြုနိုင်သည့် အဖွဲ့အစည်းတစ်ခု ဖွဲ့စည်းရန် ဆုံးဖြတ်ခဲ့ကြ ပေသည်။ အလ်ဟမ်းဒုလိလ္လာဟ် အလ္လာဟ်အရှင်မြတ်၏ အသနားတော်နှင့် ကော်မတီတစ်ခုဖွဲ့စည်းခဲ့လေသည်။ ယင်းဗဟိုကော်မတီတွင် ပါဝင်ခဲ့ကြ သည့် ပုဂ္ဂိုလ်များမှာ


နာယက- အီဗရာဟင်မ်

ဥက္ကဌ- ရှိုင်ခ်မုဟမ္မဒ်အာရိဖ်

အတွင်းရေးမှုး- မုဟမ္မဒ်အလီဘိုင်

ဘဏ္ဍာရေးမှုးနှင့် စာရင်းစစ် - အလ်ဟာဂ်ျအိက်ဗါးလ်

တွဲဖက်ဘဏ္ဍာရေးမှုး - မုဟမ္မဒ်ယာစီးန်

စည်းရုံးရေးမှုး ။ ။ အဗ္ဗဒွလ်ကရီးမ်

ပြန်ကြားရေးမှုး ။ ။ အွဆ်မားန်

စည်းကမ်းထိန်းသိမ်းရေးမှုး ။ ။ ဂျအ်ဖရ်

အမျိုးသမီးရေးရာတာဝန်ခံ (၁) ။ ။ ဖာတိမာဟ်

အမျိုးသမီးရေးရာတာဝန်ခံ (၂) ။ ။ ရရှီးဒါဟ်

အဖွဲ့ဝင်များ ။ ။ (၁) မုဟမ္မဒ်စွဒ္ဒီးက် (၂) မုဟမ္မဒ်ရဖီးက် (၃) ဗရှီးရ်

အလ္လာဟ်အရှင်မြတ်၏အသနားတော်ဖြင့် ကျွန်ုပ်တို့သည် အခန်းတစ်ခန်း ငှားရမ်းကာ အသင်း၏ဌာနချုပ်အဖြစ် ဖွင့်လှစ်ခဲ့ပေသည်။ ယင်းအသင်း၏ ဌာနချုပ်ရုံးခန်းတည်နေရာကား အမှတ် (၃၆၄)၊ ဂလူးဂိုး၊ ပုလောပီနန်မြို့၊ မလေးရှားနိုင်ငံ ဖြစ်ပေသည်။

ကျွန်ုပ်တို့အားလုံးသည် စုပေါင်းညီညာ ချစ်ခင်စွာဖြင့် ဘာသာရေး၊ စီးပွားရေး၊ ကျန်းမာရေး၊ လူမှုရေးစသည့် ကဏ္ဍဟူသမျှတို့တွင် မိမိတို့ တတ်စွမ်းနိုင်သမျှ စွမ်းစွမ်းတမံ ဆောင်ရွက်ခဲ့ကြပေသည်။ ဆောင်ရွက် နေကြပေသည်။ အင်ရှာအလ္လာဟ် ဆောင်ရွက်ပေလိမ့်အုံးမည်။

ကျွန်ုပ်တို့၏ လက်ရှိဗဟိုကော်မတီဝင်များမှာ အောက်ပါအတိုင်းဖြစ်သည်။


မြန်မာမွတ်စလင်မ်လူငယ်များကူညီမှုအသင်း၏

ဗဟိုကော်မတီ

နာယက ။ ။ မုဟမ္မဒ်အီဗရာဟီးမ် (Forth Year, Math)

ဥက္ကဌ ။ ။ ရှိုင်ခ်မုဟမ္မဒ်အာရိဖ်

ဒုဥက္ကဌ ။ ။ ဟာဖိဇ်မုဟမ္မဒ်အလီ

အတွင်းရေးမှုး ။ ။ အလ်ဟာဂ်ျမုဟမ္မဒ်အိက်ဗါးလ်

ဘဏ္ဍာရေးမှုး ။ ။ ဟာဖိဇ်မုဟမ္မဒ်အလီ

တွဲဖက်ဘဏ္ဍာမှုးရေးမှုး ။ ။ အလ်ဟာဂ်ျမုဟမ္မဒ်အိက်ဗါးလ်

စာရင်းစစ် ။ ။ မုဟမ္မဒ်အီဗရာဟီးမ် (Forth Year, Math)

ပြန်ကြားရေးမှုး ။ ။ မုဟမ္မဒ်အွဆ်မာန်း (B . E (Civil), UITM, Malaysia)

စည်းရုံးရေးမှုး ။ ။ ဂျအ်ဖရ်

စာကြည့်တိုက်တာဝန်ခံ ။ ။ အဗ္ဗဒွရ်ရရှီးဒ်

အမျိုးရေးရာတာဝန်ခံများ။ ။ (၁) ဖာတိမာဟ်(First Year) (၂) ရရှီဒဟ် (Third Year) (၃) ဒေါက်တာရဟီမာဟ် ( M.B.B.S)

ဆပ်ကော်မတီဝင်များ ။ ။ (၁) မုဟမ္မဒ်ဟာစံ

(၂) ဗရှီးရ်အဟ်မဒ် (၃) မုဟမ္မဒ် ဂျမားလ်အဟ်မဒ် (၄) မုဟမ္မဒ်ဖီရိုးဇ်

(၅) အဟ်မဒ် (၆) မုဟမ္မဒ်စွဒီးက် (၇) မုဟမ္မဒ်ဟနီးဖ်(B. Sc (Geo;))

(၈) မုဟမ္မဒ်ရှဖီးအ် (B. Sc (Geo;))

ငါရှာဖွေနေတဲ့အတည်မြဲဆုံးငြိမ်းချမ်းမှု


ဘ၀တစ်ခုလုံးချမ်းသာစေဖို့ ၊မြားမြောင်စွာသော၊ဥစ္စာရတနာ၊ငါရှာနေတာမဟုတ်ဘူး
ဘ၀တစ်ခုလုံးဝင့်ဝါကြွားစေဖို့ ၊သိန်းသန်းများစွာ၊ငွေကြေးဥစ္စာ၊ငါရှာဖွေနေတာမဟုတ်ဘူး
ဘ၀တစ်ခုလုံးသက်သာစေဖို့ ၊အဖေါ်အပေါင်းများစွာတို့ ကိုငါရှာဖွေနေတာမဟုတ်ဘူး
ငါရှာဖွေနေတာ-အေမမ်ဂဇာလီ
ငါရှာဖွေနေတာ-အေမမ်ရှာဖီအီ
ငါတို့ အားလုံးရှာဖွေကြ၊ထုတ်ဖေါ်ကြကုရ်အာန်ရဲ့ လမ်းညွှန်မှု
ငါတို့ အားလုံးရှာဖွေကြ၊ထုတ်ဖေါ်ကြ၊
တမန်တော်ရဲ့ ဟောကြားသွန်သင်မှုိ့်
နောက်ဆုံးတမန်တောရဲ့ ကိုယ်ကျင့် တရားများ
ငါ့အသက်ဆက်မယ်မြတ်သောအရှင့်အတွက်
ငါ့အတွက်အလိုအပ်ဆုံး
ကအရှင်တစ်ပါးတည်း
အရှင်သာလျှင်အကြီးကျယ်ဆုံး
အရှင်သာလျှင်အားထားရဆုံး
ဤသည်သာငါ့ဘ၀ရဲ့ ရှင်သန်ရပ်တည်မှု

ငါရှာဖွေနေတဲ့ အတည်မြဲဆုံးငြိမ်းချမ်းမှုပါပဲ...............

မလေးရှားနိုင်ငံ ၀န်ကြီးချုပ်ဟောင်း အဗ်ဒွလ်လာဟ်အဟ်မဒ်ဗါဒါဝီ ၏ကဗျာကို
ပီနန်မြန်မာမွတ်စလင်လူငယ်များကူညီမှုအသင်း၏ဥက္ကဌ ရှိင်ခ်မုဟမ္မဒ်အာရစ်ဖ်မှ
ဘာသာပြန်ဆိုထားသည်။
့

Tuesday, June 2, 2009

ဥက္ကဌ


ပီနန်မြန်မာမွတ်စလင်မ်လူငယ်များကူညီမှုအသင်း


ပီနန်၊မလေးရှားနိုင်ငံ




အစ္စလာမိုအလိုင်းကွမ်း


၂၀၀၈ ခုနှစ် ၊ ဇူလိုင်လအတွင်း သမီးကြီးနေကာလာရင်း အလ်ဟာဇဲရ် အစ္စလာမ် သိပ္ပံကျောင်း အုပ်ကြီးအလ်ဟာဂ်ျ မုဖ်သီ ဦးမြင့်သိန်း(ငြိမ်းချမ်းလုလင်)နှင့် ဇနီး အလ်ဟာဂျာဟ် ဆရာမကြီး ဒေါ်ခင်စန်းလွင် (B.Sc RL ဗဟိုတရားရုံးရှေ့နေတို့နှင့် အတူ အလ်ဟာဇဲရ် အစ္စလာမ် သိပ္ပံကျောင်းမှဒါဝါ ဌာနမှူးပီနန်ရောက် ဆရာ ဦးသက်နိုင်ဝင်း(BE) မှကြိုဆိုပြီး၊ အသင်းဧ။် ဥက္ကဌ၊ အတွင်းရေးမှူးတို့နှင့်အတူ ပီနန်အသင်းခန်းမသို့ ရောက်ရှိခဲ့ပါသည်။ ရောက်ရှိချိန်မှာ အေရှာဆွလာတ်ချိန် ဖြစ်၍ အသင်းသူ၊အသင်းသား၅၀ကျော်နှင့်အတူ သေသပ် ကျယ်ဝန်းလှသော အသင်းခန်းမမှာ အေရှာဆွလာတ်စုပေါင်းဝတ်ပြုခဲ့ရပါသည်။ အမျိုးသမီး ၁၀ဦးကျော်လည်းတက်ရောက်သည်ကိုတွေ့ရပါသည်။ စုပေါင်းဆွလာတ်ဝတ်ပြုပြီး၊ ညစာဒန်ပေါက်ဖြင့်ဧည့်ခံခဲ့ ပါသည်။


နှစ်ပတ်လည် ပီနန်မြန်မာမူစလင်မ် လူငယ်များကူညီမှု အသင်းအစည်းအဝေး အစီစဉ်များမှာ အသင်းဥက္ကဌမှ သဘာပတိလုပ်၍ အသင်းအတွင်းရေးမှူးမှ အခန်းအနားမှူးဆောင်ရွက်ကြပြီး၊ ကေရက်ဖြင့် အခန်းအနားဖွင့်လှစ်၊ အသင်းဥက္ကဌ သဘာပတိမှ အဖွင့်အမှာစကားပြောကြား၊ အတွင်းရေးမှူးမှ အသင်းနှစ် ပတ်လည် အစီရင်ခံစာ တင်သွင်းဖတ်ကြား၊ အခမ်းအနားတက်ရောက်လာသူ ဧည့်သည်တော်များကို ဆရာ ဦးသက်နိုင်ဝင်း မှ မိတ်ဆက်ပေးပြီး၊ ဧည့်သည်တော်ဆရာမကြီး ဒေါ်ခင်စန်းလွင်မှ မိတ်ဆက်စကားပြောကြား ၊ ဆရာမကြီးမှယခုလို ပီနန်ရောက်မြန်မာမူဆလင် လူငယ်လူရွယ်များမှမိမိအသိဖြင့် မွန်မြတ်လှသောနာရေးကူ ညီရန်၊ အမျိုးသားများသာမက အမျိုးသမီးအိမ်ရှင်မများပါ ပါဝင်လာတာတွေ့ရ၍ ၀မ်းမြောက်ပါကြောင်း၊ နှစ်ပတ် လည် အတွင်း ကူညီနိုင်သမျှ အကူအညီများပေးခဲ့ကြသည့်အတွက် ပီနန်မြို့တွင်း အားထားစရာ၊ အားကျစရာ အသင်းတစ်ခုဖြစ်ပါကြောင်း၊ အမျိုးသမီးညီအမများ တက်ကြွစွာပါဝင်ကြသည်ကို တွေ့ရ၍ ၀မ်းမြောက်ဂုဏ်ယူမိ ပါကြောင်းနှင့် ယခုကဲ့သို့ဖိတ်ကြားတက်ရောက်ခွင့်၊ စကားပြောခွင့်ရ၍ အလ္လာအရှင်အား ပထမဆုံးကျေးဇူးတင် လျက် အသင်းသူ၊အသင်းသားများ အားလည်း များစွာကျေးဇူးတင်ကြောင်းမှာကြားခဲ့ပါသည်။


အလ်ဟာဂ်ျမုဖ်သီ ဦးမြင့်သိန်းမှလည်း ဘာသာလူမျိုးအသားအရောင်မခွဲ၊ ရွှေဗမာများ သာမက မြန်မာပြည်အရပ်ရပ်မှ ပီနန်သို့ အကြောင်းအမျိုးမျိုးကြောင့် ရောက်ရှိသူအားလုံးဧ။် ကိစ္စ များကို တစ်နှစ်တာအတွင်း ကူညီခဲ့ကြသည်များကို အသင်းဧ။် ဥက္ကဌကြီး သဘာပတိမှ ယခုအသင်းနှစ်ပတ်လည် အခမ်းအနားမှာ မိန့်ကြားချက်များအရ သိခွင့်ရ၍ ရွှေမြန်မာတစ်ဦးအနေနဲ့ရော ၊ မြန်မာမူဆလင် တစ်ဦး အနေနဲ့ပါ များစွာဂုဏ်ယူမိပါကြောင်း၊ ယခုလို နယ်မြေရေမြေခြား အကူအညီလိုအပ်သူများကို ဤပီနန်ရောက် မြန်မာမူဆလင်ညီအကို မောင်နှမများမှ မိမိအသိဖြင့် အစ္စလာမ်ဧ။် ပြဌာန်းချက်များကို လက်တွေ့ အကောင်အထည်ဖော် လုပ်ဆောင်ချက်များကိုတွေ့ရ၍ ၀မ်းသာ ပီတိဖြစ်ရပါကြောင်း၊ နောင်နှစ်များမှာလည်း ဤကဲ့သို့ လက်တွဲညီ ရှေ့လျှောက် ဆောင်ရွက်နိုင်ကြစေရန်ဆုတောင်းပါကြောင်း၊ အမြဲဂုဏ်ယူစွာ ပီနန်ရောက် မြန်မာမူဆလင်များဧ။် ကူညီမှုအသင်း ဂုဏ်သတင်းကိုအမြဲအမှတ်ရနေမှာ ဖြစ်ပါကြောင်းနှင့် တက်ရောက်သူအသင်းသူ၊ အသင်းသားများဧ။် ဖြေကြားရင်းဤစကားကို နိဂုံးချုပ်ပါတယ်။


နောက်ဆုံးအနေနှင့် ကျွန်တော်မှ မြန်မာနိုင်ငံ မန္တလေးမြို့တွင် ၅၇ နှစ်တာ သက်တမ်းရှိနေ သော နိဗ္ဗာန်ဆော် မြန်မာမူဆလင်များ နာရေးအသင်း အဝေးရောက်ဂုဏ်ထူးဆောင် နာယက အနေဖြင့် မိတ်ဆက်ပြီး၊ ယခုပီနန်တွင် လိုအပ်နေသော အကူအညီကို ယခု ဖွဲ့စည်းထားသော မြန်မာပြည်မှ မြန်မာမူဆလင် ကူညီမှုအသင်းပေးခဲ့ကြသည့် တစ်နှစ်တာလုပ်ငန်းစဉ်များကို ကြားသိရ၍ ဂုဏ်ယူပါကြောင်း နောင်နှစ်များမှာလည်း ယခုကဲ့သို့ စည်းစည်းလုံးလုံးညီညီညွတ်ညွတ် လုပ်ကိုင်ဆောင်ရွက်နိုင်ကြစေရန် အသျှင်ထံ ဒိုအာပြုရင်း အချိန်အားဖြင့်လည်း ၂နာရီ နီးပြီ ဖြစ်လို့ ဒီလောက်နဲ့ဘဲ မိတ်ဆက်ပြီး နိဂုံးချုပ်ပါရစေလို့ ပြောကြားရင်းရပ်နားပါတယ်။


ဦးမြင့်ဆွေ


အဝေးရောက်ဂုဏ်ထူးဆောင် နာယကကြီး


နိဗ္ဗာန်ဆော်မြန်မာမူဆလင်လူငယ်များ


မန္တလေးမြို့။
အာရစ်(ဖ်)ဘိုင် ခင်ဗျား



လောကခပ်သိမ်းကို ပြုစုပျိုးထောင်တော်မူသော အနှိုင်မဲ့ကရုဏာတော်ရှင် အလ္လာဟ်အရှင်မြတ် ထံတော်မှ ငြိမ်းချမ်းသာယာမှု အဖြာဖြာ အသင်တို့အားလုံးအပေါ်သို့ သက်ရောက်ပါစေ။





မတွေ့ရတာကြာပြီဗျာ။ ကျွန်တော်လည်း ပီနန်နဲ့ အဆက်ပြတ်နေတာသုံးလလောက်ရှိတော့မယ်။ ဟာဂျီအိက်ဗားလ်၊ အလီဘိုင် နဲ့ အသင်းကမိတ်ဆွေတွေရော နေထိုင်ကောင်းကြရဲ့လား၊ အားလုံးအရှင့် အလိုတော်နဲ့ အဆင်ပြေမယ်လို့မျှော်လင့်မိပါတယ်။ ကျွန်တော်တို့ လည်းချစ်တဲ့ မွေးရပ်မြေကိုစွန့်ခွာပြီး ပြည်ပမှာလာအလုပ်လုပ်၊ မိသားစုဘ၀တွေ အဆင်ပြေဖို့ကြိုးစားနေကြရတာမို့ လူမှုရေးနဲ့ တော်တော်ကင်း လွတ်နေကြရတယ်ဗျာ။



တကယ်ပါ။ ဘိုင်တို့ အသင်းရုံးခန်းလေးကို မရောက်ခင်တုန်းကတော့ သာမန်နာရေးလောက်သာ ဆောင်ရွက်ပေးတာလို့ ထင်ခဲ့မိတာ။



ဒါပေမယ့် ၂၀၀၈ ခုနှစ် နှစ်လယ်ပိုင်းလောက်မှာ ရန်ကုန်ကကြွရောက်လာတဲ့ အာလ်အဇ်ဟရ် အစ္စလာမ့် သိပ္ပံကျောင်းအုပ်ကြီး အလ်ဟာဂ်ျမုဖ်သီဦးမြင့်သိန်း တို့နဲ့ အတူရောက်တော့မှပဲ သေသေချာချာ လေ့လာခွင့်ရတော့တာ။



အာရစ်(ဖ်)ဘိုင်ရေ.......ကောင်းလိုက်တဲ့ စိတ်ကူးနဲ့လုပ်ရပ်တွေဗျာ၊ အခန်းထဲဝင်ဝင်ချင်း၊ ပတ်ပတ်လည်မှာ ဒုအာကားမျိုးစုံ၊ Facility မျိုးစုံနဲ့ စုဝေးခန်းမ၊ စားပွဲနဲ့ ထိုင်ခုံတွေကလည်း ညီညာစွာစီတန်းလို့။



ခန့်ညားတဲ့ ၀တ်ပြုခန်း နှစ်ခု(အမျိုးသား နဲ့ အမျိုးသမီး)၊ သန့်ရှင်းသပ်ရပ်တဲ့ စတိုခန်းနဲ့မီးဖိုချောင်။



ဒါအပြင် ဆွဲဆောင်မှုအရှိဆုံးကတော့ ညီညာစွာ စီရီထားပြီး၊ ဘာသာရပ် အလိုက် သုတ၊ရသ စုံလင်စွာနဲ့ ဖွဲ့စည်းထားတဲ့ အသင်းရဲ့စာကြည့်တိုက်လေးပါ။



အာရစ်(ဖ်)ဘိုင်ရေ.. အခြားသောလူမှုဘ၀ ကူညီထောက်ပံရေးလုပ်ငန်းတွေလည်း ကြုံသလို လုပ်ခဲ့ကြသေးတယ်နော်။ ၂၀၀၈ခုနှစ် ”နာဂစ်”မုန်တိုင်းမှာ လူသားဘ၀ စာနာထောက်ထားတဲ့ လုပ်ငန်းတွေ အတွက်ဒီအသင်းက လက်မနှေးခဲ့ဘူး။



ဒီအသင်းကတော့ အားလုံးကို ကူညီနေတဲ့ ”ပီနန် မြန်မာမွတ်စလင်မ်လူငယ်များ ကူညီမှုအသင်း” ပဲဖြစ်ပါတယ်။



လောကခပ်သိမ်းနဲ့ ယှဉ်တဲ့ စစ်မှန်တဲ့ အစ္စလာမ် ဒေသနာတော်တွေကို ရှုထောင့်မျိုးစုံကနေ ကျွမ်းကျင်တဲ့ အစ္စလာမ် ပညာရှင်များက အပတ်စဉ်ပို့ချပေးနေပါတယ်။



အာရစ်(ဖ်)ဘိုင်ေ၇..........။ဆက်လုပ်ပါဗျာ။ အောင်မြင်မှုတွေထပ်ရဦးမယ်လို့ယုံတယ်။ ဘာကြောင့်လဲဆိုတော့ ဒီအသင်းမှ ပုဂ္ဂိုလ်များဟာ မည်သူ့ဆီကမှ မျှော်လင့်ကျေနပ်မှုမတောင်းခံဘဲ၊ အရှင့်ထံ မှ နှစ်မြို့မှုကိုသာလျှင် အကြီးကျယ်ဆုံးလို့ခံယူထားကြလို့ပါပဲ။



အားလုံးကိုလေးစားလျက်



သက်နိုင်ဝင်း





ပီနန်မြန်မာမွတ်စလင်(မ်)လူငယ်များအသင်းနှင့်ပတ်သတ်၍ ဒေါက်တာလှလှဝင်း(ခ)ဒေါက်တာ ယာစမင်း(န်) ဧ။် အမြင်သုံးသပ်ချက်

ပီနန်မြန်မာမွတ်စလင်(မ်)လူငယ်များအသင်းနှင့်ပတ်သတ်၍
ဒေါက်တာလှလှဝင်း(ခ)ဒေါက်တာ ယာစမင်း(န်) ဧ။် အမြင်သုံးသပ်ချက်

ကျွန်ုပ်သည် ကျွန်ုပ်ဧ။်မိတ်ဆွေ ကိုသက်နိုင်ဝင်းဧ။် ဖိတ်ခေါ်မိတ်ဆက်ပေးမှုဖြင့် ပီနန်မြန်မာမွတ်စလင်မ် လူငယ်များကူညီမှုအသင်းကို သိကျွမ်းခွင့်ရခဲ့ပါသည်။ စတင်ရောက်ရှိခဲ့သောအချိန်မှာ စနေနေ့ညဖြစ်ပြီး၊ အသင်း၏ ဌာနချုပ်နေရာတွင် အစ္စလာမ်နှင့်ဆိုင်သောစကားပြောခွင့်ရခဲ့ပါသည်။

ကျွန်ုပ်အနေနှင့် အမိမြန်မာနိုင်ငံတွင် ရှိစဉ်ကာလကပင် အဇ်ဟရ်အစ္စလာမ့်ကောလိပ်နှင့် အခြားသော အစ္စလာမ့်ရေးရာကိစ္စများကို ဆောင်ရွက်ကြကုန်သောနေရာဌာနများတွင် ကျဉ်းပပြုလုပ်လေ့ရှိသော ဘာသာရေးဆိုင်ရာ သင်တန်းများတွင်၊ မိမိတတ်သိထားသော အသိပညာများကို ဟောပြောပို့ချ၊ ဖြန့်ဖြူးပေးခြင်း၊ အတွေ့အကြုံများရှိခဲ့ပါသည်။ သို့သော် သီးသန့်တရားဟောကြားခြင်းပုံစံဖြင့် မည်သည့်အခါတွင်မျှ ဖိတ်ခေါ်ခြင်းမခံခဲ့ရပါ။

အလ်ဟမ်းဒုလစ်လ္လာဟ် အရှင်မြတ်ဧ။် အသနားတော်ဖြင့် ကိုသက်နိုင်ဝင်းကို အကြောင်း ခံ၍ ကျွန်ုပ်နှင့်ကျွန်ုပ်ဧ။် ခင်ပွန်းမော်လ၀ီမုဟမ္မဒ် ယာစီး(န်)နှင့် ဆရာဦးကျော်ဖေ တို့သည် မလေးရှားတွင် ပထမခြေလှမ်းအဖြစ် ပီနန်အသင်းသို့ သွားရောက်တရားဟောကြားခွင့်ရသည့်အတွက် ဦးစွာပထမ တစ်ဆူတည်း၊ တစ်ပါးတည်း ဖြစ်တော်မူသောအလ္လာဟ်အရှင်မြတ်အား အထူးကျေးဇူးတင်ပါသည်။ အလ္လာဟ်အရှင်မြတ်၏ ကောင်းချီးမင်္ဂလာ ဟူသမျှသည် တမန်တော်မြတ်မုဟမ္မဒ်(ဆွ)၏ အပေါ်၌လည်းကောင်း၊ အားလုံးသော လွန်လေသောဆရာ့ ဆရာကြီးများ၊ သက်ရှိထင်ရှား ရှိနေသော သင်ဆရာ၊မြင်ဆရာ၊ ကြားဆရာ အားလုံးနှင့် မိဘဆွေမျိုးများ၊ ပီနန်အသင်းအမှုဆောင်အဖွဲ့ဝင်များ၊ အသင်းသားအားလုံးတို့အပေါ်၌ ကျရောက်တော်မူပါစေသော်။ ယင်း အခမ်းအနားဖြစ်မြောက်အောင် ကျင်းပပေးခဲ့သည့် ပီနန် မြန်မာမွတ်စလင်မ်လူငယ်များကူညီရေးအသင်း၏ ဥက္ကဌကြီးနှင့်တကွ၊ ဆပ်ကော်မတီများ၊ အသင်းသားများအားလုံးကို ကျေးဇူးဥပကာရတင်ရှိကြောင်း မှတ်တမ်းတင်အပ်ပါသည်။

ထိုနေ့ညက ကျွန်ုပ်တို့မှာ အလွန်ပင်ပန်းနွမ်းနယ်လျှက်ရှိသော်လည်း ပီနန်အသင်းမှ လှိုက်လှဲနွေးထွေးစွာ ကြိုဆိုခဲ့ပါသည်။ အစပိုင်းတွင် သာမန်အခန်းတစ်ခန်းဟုသာ ထင်ခဲ့သော်လည်း၊ အခန်းတွင်းသို့ဝင် ရောက်သွားသောအခါ ပီနန်အသင်းအမှုဆောင်အဖွဲ့၏ ကြီးကြပ်ရေးမှူးလူငယ်များကို စိတ်ထဲမှ ကြိတ်ချီးကျူးမိပါသည်။

ကျွန်ုပ်မှာ မလေးရှားသို့ ရောက်ရှိနေသည်မှာ တစ်နှစ်နီးပါးလောက်ရှိသော်လည်း ကျွန်ုပ်တို့ မြန်မာမွတ်စလင်မ်များ၊ အများစု နေထိုင်ကြသော ကွာလာလမ်ပူမြို့ကြီးတွင် ထိုကဲ့သို့ စနစ်တကျဖွဲ့စည်းထားသောအသင်းရှိသည်ဟု မကြားဘူးသေးပါ။ ပီနန်အသင်းသည် KL မှ ၅နာရီ ခန့် ကားနှင့် မောင်းယူရလောက်အောင် ဝေးသောကျွန်းမြို့ကလေးတွင်၊ ဤသို့စနစ်တကျ ဖွဲ့စည်းထားသော မွတ်စလင်မ် လူငယ်များအသင်းကလေးကို ကျွန်ုပ်အလွန်သဘောကျနှစ်ခြိုက်မိပါသည်။

အသင်းဧ။်ဌာနချုပ်ရှိရာ အခန်းအတွင်းဝင်ရောက်လိုက်သောအခါ၊ အမျိုးသားဝတ်ပြုခန်း၊ အမျိုးသမီးဝတ်ပြုခန်း၊ စာကြည့်တိုက်(စာကြည့်ခန်း)၊ တရားဟောခြင်းအပါအ၀င်၊ ဆွေးနွေးနှီးနှောရာခန်းမ (speech hall) ၊ ၀ုသူခန်း၊ အိမ်သာ၊ စားဖိုချောင်၊စတိုခန်း စသည်ဖြင့် စနစ်တကျ နေရာချထားအသုံးပြုနေသည် ကိုတွေ့ရပါသည်။ အလွန်အားရစရာ ကောင်းပါသည်။

ထိုနေ့ညတွင် ကျွန်ုပ်တို့ဧ။် ဟောပြောချက်များအပေါ်ပီနန်မွတ်စလင် ပရိတ်သတ်ဧ။် တုန့်ပြန်အား ပေးမှုမှာ အလွန်ကောင်းလှသောကြောင့် ၀မ်းသာဝမ်းနည်းဖြစ်ရသည်။ ၀မ်းသာခြင်းမှာ အလ္လာဟ်အရှင်မြတ်ဧ။် သာသနာကို တင်ပြခွင့်ရသောကြောင့်ဖြစ်ပြီး၊ ၀မ်းနည်းခြင်းမှာ မိမိတို့နေထိုင်ရာနေရာနှင့် ဝေးကွာသောကြောင့် အပတ်စဉ်မလာရောက်နိုင်သောကြောင့်ဖြစ်ပါသည်။

တရားပွဲအပြီးအမှုဆောင် ကြီးကြပ်ရေးမှုးလူငယ်များနှင့် ဆွေးနွေးခွင့်ရခဲ့ပါသည်။ အရစ်ဖ်ဘိုင်၊ အလီဘိုင်၊ ဟာဂျီအစ်က္ကဘားရ် နှင့် ဇနီး ရဟီမာ(ဒေါက်တာမီလာနုနုဌေး) တို့နှင့် စကားပြောရင်း ပီနန်အသင်းဧ။် လှုပ်ရှားမှုများကို ပို၍သိခွင့်ရခဲ့ပါသည်။ ဘာသာရေးသီးသန့်သာမက၊ ဘာသာ လူမျိုးမရွေး မြန်မာပြည်သား၊မြန်မာလူမျိုးများအား လူမှုရေး၊ နာရေးကူညီမှု အမျိုးမျိုးဆောင်ရွက်နေကြောင်း၊ အစိုးရမှ အသိအမှတ်ပြုခံထားသော အဖွဲ့အစည်းဖြစ်ကြောင်းသိရပါသည်။ အလွန်ကျေနပ်နှစ်သက်မိပါသည်။

ခြုံ၍ပြောရလျှင် အသင်းဧ။်ရှေ့လုပ်ငန်းစဉ်တွင် ထည့်သွင်းစဉ်းစားဖွယ်အချက်များကို တင်ပြလိုပါသည်။

(၁)အသင်းသားဦးရေ ပို၍တိုးတက်အောင်ပြုလုပ်သင့်သည်။

(၂)မြန်မာမွတ်စလင်ပိုင် ဗလီငယ်တစ်လုံးဆောက်နိုင်ရန် ကြိုးစားသင့်သည်။

(၃)ဒအ်ဝါဟ်လုပ်ငန်းတွင် မွတ်စလင်နှင့် မွတ်စလင်မ် အလောင်းအလျာများ(နောင်မွတ်စလင်မ် ဖြစ်လာမည့်သူ) ကိုပါ ထည့်သွင်းဖိတ်ခေါ်သင့်သည်။

(၄)မလေးရှားအသိအမှတ်ပြုခံ( မြန်မာမွတ်စလင်မ် အားလုံးကို ကိုယ်စားပြုသောအသင်း )ဖြစ်ရန် အဆင့်မြှင့်သင့်သည်။

(၅)အမျိုးသမီးဦးရေ ယခုထက်ပို၍များများပါဝင်နိုင်အောင် စီစဉ်သင့်သည်။

(၆)အသင်းအနေနှင့် အစ္စလာမ့်အကျိုးပြုစာပေများ ထုတ်ဝေဖြန့်ချိသင့်သည်။

(၇)အခြေအနေပေးပါက သုတေသန လုပ်ငန်းများကို ဆောင်ရွက်သင့်သည်။

လေးစားစွာဖြင့်

ဒေါက်တာ လှလှဝင်း(ခ) ဒေါက်တာ ယာစမင်းန်

ခေတ္တ ရှားဟ်အာလမ်(မ်)

မလေးရှားနိုင်ငံ။



အတ်စ္စလာမုအလိုင်းကွန်(မ်)


ပီနန်မြန်မာမူစလင် လူငယ်များကူညီမှုအသင်းမှ ဖိတ်ကြား၍ ၂၀၀၈ ဇူလိုင် အတွင်း ယင်းအသင်းတွင် ကျွန်မအမျိုးသား ဆရာဦးမြင့်သိန်း(ငြိမ်းချမ်းလုလင်) နှင့်အတူ အစ္စလာမ့်တရားဟောပြောခွင့် ရရှိခဲ့သည်ကို ယနေ့တိုင်မမေ့နိုင်ပါ။ အဘယ်ကြောင့်ဆိုသော် ယင်းမှ လှိုက်လှိုက်လှဲလှဲ ကြိုဆို၍ နွေးထွေးစွာ ဆက်ဆံမှုများကို အမှတ်ရနေပါသည်။


တရားပွဲ မစမှီ မဂ်ရိဗ်ဆွလာသ်ကို အမျိုးသား၊အမျိုးသမီးများအစ္စလာမ့်တရားတော်


နဲ့အညီ ဂျမာအသ်ဖြင့် ၀တ် ပြုခွင့်ရရှိခဲ့သည်ကို အလ္လဟ်ထံ အထပ်ထပ်အခါခါ ရှကုရ်ပြုမိပါသည်။ အဖွဲ့ဝင်အားလုံး အမျိုးသား၊ အမျိုးသမီးတိုင်းတက်တက်ကြွကြွဆောင်ရွက်နေကြပုံကိုလည်းမြင်ယောင်မိ၍ မှတ်တမ်း တင်မိပါသည်။


ယင်းအသင်းမှ အစ္စလာမ်ဘာသာဝင်များသာမက မြန်မာနိုင်ငံမှ ရွှေဗမာအားလုံးကို တက်နိုင်သမျှ ကူညီဆောင်ရွက်ပေးခဲ့ပုံများကို ပြောပြကြရာ၊ ကျွန်မအနေဖြင့် လွန်စွာမှ အားရ၀မ်းသာဖြစ်မိပြီး ဂုဏ်ပြုလေးစားခဲ့ပါသည်။


အစ္စလာမ်သာသနာသည် လူသားအားလုံးကို တမိတဖ တည်းမှ မွေးဖွားလာသော ကမ္ဘာမိသားစုကြီးဧ။် အကျိုးကို မည်သည့်နိုင်ငံ မည်သည့်နေရာေ၇ာက်ေ၇ာက် အကောင်းဆုံးသယ်ပိုးနေကြ သည်ကို တွေ့ရှိရ၍ အနာဂတ်တွင် ဒီထက်ပို၍ စွမ်းစွမ်းတမံ တိုးတက်အောင်ဆောင်ရွက်နိုင်ပါစေ၊ နောက်တစ်ကြိမ်လည်း ပြန်လည်ဆုံတွေ့နိုင်ပါစေဘို့ အလ္လဟ်ထံ ဆုတောင်းမိပါသည်။


ထွန်းတောက်အောင်မြင်ရေး၊ ကြိုးစားပေး


ဒေါ်ခင်စန်းလွင်


(မေငြိမ်းချမ်း)