မေ-၁-၂၀၁၃
အကြမ်းဖက် တိုက်ခိုက် မီးရှို့မှုများကြောင့် ထွက်ပြေးတိမ်းရှောင်နေရသော ကလေးငယ်များ Photo AP
ဥက္ကံမြို့မှာ ဘာသာရေးလူမျိုးရေး အကြမ်းဖက်သမားတွေရဲ့ လုပ်ဆောင်ပုံနဲ့ ဖြစ်စဉ်တွေဟာ မိတ္ထီလာမှာ အကြမ်းဖက်မှုစတင်ခဲ့တဲ့ မတ်လ ၂ဝရက်နေ့က ဖြစ်စဉ်တွေနဲ့ တူညီနေပြီး ဥက္ကံ အနီးတဝိုက်က ကျေးရွာတွေကို မီးတင်ရှို့မှုမှာ ခြောက်တဲရွာ အုပ်ချုပ်ရေးမှူးကိုယ်တိုင် ဦးဆောင်ပါဝင်တာဖြစ်ပြီး ရဲတပ်ဖွဲ့က ဖမ်းဆီးမှုတွေ ပြုလုပ်နေပြီလို့ ကမာရွတ်သတင်းထောက်က ဒေသခံတွေ၊ တာဝန်ရှိသူတွေကို မေးမြန်းထားချက်ကို အခြေခံပြီး ပြောဆိုခဲ့ပါတယ်။
ကျေးရွာ ၄ရွာက အိမ်ခြေ ၃ဝဝကျော်လောက် ဧပြီ ၃ဝရက်နေ့ညနေမှာ မီးတင်ရှို့ခံခဲ့ရတာဖြစ်ပြီး ကနဦး အကြမ်းဖက် မီးရှို့မှုတွေကို ဒေသခံတွေက လုပ်ဆောင်တာဖြစ်ပြီး နောက်ပိုင်း ပြင်ပက ဝင်ရောက်လာတဲ့ လူစိမ်းတွေက အကြမ်းဖက်မှုတွေကို စတင်ခဲ့တာဖြစ်တယ်လို့ ဆိုပါတယ်။ ကျေးရွာတွေကို ဝင်ရောက် အကြမ်းဖက်မှုကြောင့် အနည်းဆုံး လူ ၁ဝဦး ဒဏ်ရာရရှိခဲ့ပြီး သေဆုံးမှုကို ခိုင်မာတဲ့ အတည်ပြုချက်တွေ မရရှိသေးပါဘူး။
ဥက္ကံမြို့ပေါ်က မတော်မဆမှုဖြစ်စဉ် ပြီးဆုံးသွားပြီးနောက်ပိုင်းမှ အကြမ်းဖက်မှုကို ဦးဆောင်တဲ့ လူအုပ်ကြီးဟာ ပြင်ပကလူတွေပါဝင်နေပြီး ကြိုတင်ပြင်ဆင်ထားတဲ့ ပုံစံရှိပြီး စနစ်ကျနတဲ့အကြောင်း မျက်မြင်တွေ့ရှိချက်နဲ့ မှတ်တမ်းတွေကိုကိုးကားပြီး သတင်းထောက်က ပြောဆိုခဲ့ပါတယ်။
ရန်ကုန်တိုင်းရဲတပ်ဖွဲ့က အဓိကရုဏ်းကျယ်ပြန့်လာမှာကို တားဆီးဖို့အတွက် အကြမ်းဖက်မှုကျူးလွန်သူတွေကို မှတ်တမ်းတွေနဲ့တကွ ဖမ်းဆီးမှုတွေပြုလုပ်နေပြီး လတ်တလောမှာ အခြေအနေတွေကို ယာယီ ထိန်းချုပ်ထားနိုင်တယ်ဆိုပေမယ့် ရဲနဲ့စစ်တပ် ထိန်းချုပ်မှုကင်းမဲ့တဲ့၊ သွားရေးလာရေး ခက်ခဲတဲ့ ကျေးရွာတွေမှာ နောက်ထပ် အကြမ်းဖက်မှုတွေ ဖြစ်ပွားဖို့ အလားအလာတွေရှိနေနိုင်တယ်လို့ ဆိုပါတယ်။
ကျေးရွာအုပ်ချုပ်ရေးမှူးဦးဆောင်တဲ့ အကြမ်းဖက်မှုဖြစ်စဉ်ဟာ မိတ္ထီလာအကြမ်းဖက်မှုဖြစ်စဉ်တွေလိုပဲ ဖုန်းတွေနဲ့ ညွှန်ကြားပြီး လမ်းပြတာ၊ ရွာ ၄ရွာကို မီးတင်ရှို့ပြီးမှ မြို့ပေါ်ပြန်အထွက် ချောင်းကူး တံတားတွေကို စနစ်တကျ ဖျက်စီးခဲ့တာကြောင့် ကယ်ဆယ်ရေးလုပ်ငန်းတွေ မလုပ်နိုင်သလို အိမ်ခြေတွေ မီးလောင်ပျက်စီးသွားတာမို့ အသက်မသေဘဲ ကျန်ရစ်သူ ရွာသားတွေဟာ ချောင်းနံဘေးမှာ ညလုံးပေါက် နေထိုင်ခဲ့ရပါတယ်။
Kamayut Media
No comments:
Post a Comment
Note: Only a member of this blog may post a comment.