မတ်လ ၂၂ ရက်၊ ၂၀၁၃
မိတ္ထီလာတွင် တတိယမြောက်နေ့အဖြစ် အကြမ်းဖက်မှုများ ဆက်တိုက်ဖြစ်ပွားနေ၍ အစိုးရမှ မာရှယ်လောထုတ်ပြန်လိုက်သည်။ သောင်းကျန်း သူများတွင် ဗုဒ္ဓဘာသာ ဘုန်းကြီးများပါဝင်နေကြောင်း၊ ၄င်းတို့က သတင်းထောက်များ၏ ဓာတ်ပုံများနှင့် မှတ်တမ်းမှတ်ရာများကို ခြိမ်းခြောက် ဖျက်ဆီးပစ်နေကြောင်း ဒီဗွီဘီက တင်ပြထားသည်။
ယနေ့ ၄ နာရီတွင် သမ္မတဦးသိန်းစိန်မှ အရေးပေါ်အခြေအနေကြေညာပြီး စစ်တပ်အား အခြေအနေထိန်းသိမ်းဖို့ ညွှန်ကြားခဲ့သည်။ ယနေ့ အစောပိုင်းကမူ မီဒီယာလွတ်လပ်ခွင့်ကော်မတီမှ ပြည်တွင်းဂျာနယ်လစ်များသာ မက ပြည်ပဂျာနယ်လစ်များပါ ကိုယ်ထိလက်ရောက် အစော်ကားခံနေရကြောင်း၊ ကင်မရာများကို လုယူပြီး မန်မိုရီကဒ်များကို ဖျက်ဆီးခြင်းစသည်များရှိကြောင်းများပါ အစီရင်ခံစာ ထုတ်ပြန်ခဲ့သည်။
ဒီဗွီဘီ၏ သတင်းထောက်ကိုလည်း ဓားရှည်ကို သောင်းကျန်းသူများက ခြိမ်းခြောက်ခဲ့ပြီး မှတ်တမ်းများကို ဖျက်ဆီးပစ်ဖို့ အဓမ္မစေခိုင်းခဲ့သည်။
မိတ္ထီလာသည် မြန်မာလေတပ်အခြေစိုက်ရာမြို့ဖြစ်သည်။ ထို့ပြင် ခြေလျင်တပ်ရင်းအမှတ် ၉၉ လည်း ရှိသည်။ သို့သော် မာရှယ်လောမကြေညာမီအထိ စစ်တပ်က အင်းဝဘဏ်ကို အကာအကွယ်ပေးထားသည်မှအပ ငြိမ်သက်မှုရရှိအောင် တစ်စုံတစ်ရာ ဆောင်ရွက်ခြင်းမျိုး မရှိခဲ့ပေ။
NLD မှ ဦးဝင်းထိန်ကမူ ဘောလုံးကွင်းအတွင်း မွတ်စလင် ၉၀၀ ကျော်နှင့် မြို့ရဲဌာနအတွင်း ၂၀၀ ကျော်ရှိနေကြောင်း ပြောကြားခဲ့သည်။ ယင်းအချက်မှာ အလဲဗင်းမီဒီယာ၏ တင်ပြပုံနှင့် လွန်စွာကွဲပြားလျက်ရှိသည်။
“သူတို့ရဲတွေက ထိထိရောက်ရောက်ဆောင်ရွက်တာမျိုးမရှိဘူး။ မနေ့က စီနီယာ ရဲအရာရှိတွေ ရောက်လာတယ်၊ သူတို့ရှေ့မှာတင် အကြမ်းဖက် သမားတွေက ဆိုင်တစ်ဆိုင်ကို ၀င်ပြီးပစ္စည်းတွေလုတယ်၊ ပြီးတော့ ဖျက်ဆီးပစ်တယ်၊ သူတို့ကတော့ ကားလေးရပ်ပြီး ဓာတ်ပုံလေးရိုက်ယူကြတယ်၊ ပြီးတော့ ပြန်ထွက်သွားတယ်” ဟု ABFSU အဖွဲ့ဝင်တစ်ဦးက ပြောသည်။
No comments:
Post a Comment
Note: Only a member of this blog may post a comment.