စက်တင်ဘာ၊ ၁၄၊ ၂၀၁၂
☻အော်။ ဟုတ်ကဲ့။ အစ်ကို အခု ဒီရဲစခန်းကိုရောက်တဲ့အခါ သူတို့က အမှုတွေဘာတွေ ဖွင့်ပေးလား။
☺ရဲစခန်းရောက်တဲ့အခါကျတော့ အဲ့ဒီမှာ စခန်းမှူးရောက်လာတယ်။ စခန်းမှူးရောက်လာပြီး သူက ကျနော့်ကို လိုအပ်တဲ့ စစ်ချက်တွေယူတယ်။
☻စစ်ချက်ယူတာ အသေးစိတ်ယူလား။ ဒါမှမဟုတ် အပေါ်ယံ သဘောလောက်ပဲ ယူတာလား။
☺အန်။ စစ်ချက်ကိုက Detail အသေးစိတ်ယူတာတော့မဟုတ်ဘူး။ သဘောလောက် တစ်မျက်နှာစာလောက်ပေါ့။ အတိုချုံးလေးပဲ။ အဲ့လိုမျိုးလေးပဲ သူက ယူလိုက်တာ။ တချို့ဟာတွေကျတော့လဲ ဟာ မင်းလုပ်မနေပါနဲ့တော့ကွာ။ ကျနော်က သူ့ကိုပြောတယ်။ ဘယ်နေရာတွေ ဘာဖြစ်သွားလဲဆိုတော့ ကျနော် သူ့ကို ခေါင်းကိုပြတယ်။ အင်္ကျီလှန်ပြတယ်။ ဒီကျောကုန်းကို။ ပေါ့ပေါ့ပဲ။ သွေးထွက်ဒဏ်ရာလေးပါ။ ရေးလိုက်ပါ။ ခေါင်းမှာ ဖူးယောင်ဒဏ်ရာ တစ်ခုနဲ့ ကျောကုန်းမှာ လက်ပြင်မှာ သွေးထွက်ဒဏ်ရာတစ်ခုဆိုပြီးတော့။ အဲ့ဒါလောက်ပဲ ရေးတာပါ။ အသေးစိတ်တော့ မရေးယူပါဘူး။ ကျနော်လဲ အခန်းထဲပြန်ရောက်ပြီးတော့မှ ဟော်တယ်ပြန်ရောက်ပြီးတော့မှ ကိုယ့်ကိုယ်ကို ပြန်ကြည့်လိုက်တော့မှ ဒဏ်ရာတွေအကုန်လုံး ကျနော် တွေ့တော့တာပဲ။ မျက်စေ့အောက်မှာ ကွဲနေတာတို့ဘာတို့လဲ အဲ့ဒီမှာ တွေ့တော့တာပါ။ ပြီးတော့ နဖူးမှာလဲ တစ်ချက် အသေးလေး ကွဲသွားသေးတယ်။ အဲ့ဒါကတော့ အဲ့လောက်ကြီးမဟုတ်ဘူး။ သွေးလေး အတန်းလိုက်လေးပေါ့။
☻အစ်ကိုရဲ့ ဒီ ခန္ဓာကိုယ်မှာပေါ့နော် စုစုပေါင်း ဒဏ်ရာ ဘယ်နှစ်ခုလောက် ရသွားလဲ။ အကြီးရော အသေးရောပေါ့။
☺အင်။ အကြီးတွေရော အသေးတွေရောဆိုရင် ကျနော် ဒီ မျက်လုံးအောက်က တစ်ခုရယ်၊ ခေါင်းမှာကကျတော့ အဲ့ဒီမှာ သွေးထွက်သွားတဲ့နေရာ အခုန တူနဲ့ထုလိုက်တဲ့နေရာက တစ်ခုရယ်၊ နောက် ဒီ ဘယ်ဘက် ဂျိုစောင်းနားမှာက ဖုနေတဲ့ဟာတစ်ခု၊ နောက် ဒီ ရင်ဘတ်မှာက ညာဘက် နို့အုံမှာ အဲ့ဒီမှာ ထီးနဲ့ထိုးထားတာက တစ်ချက်၊ နောက် လည်ပင်းအရိုးနားမှာတစ်ချက်၊ ဒီ လည်ပင်းမှာတစ်ချက်၊ နောက် ကျောကုန်းမှာကကျတော့ နှစ်ချက်ပေါ့နော်။ ဒုတ်နဲ့အရိုက်ခံထားရတာ တစ်ချက်ရယ်၊ နောက် အုတ်နီခဲနဲ့ အထုခံထားရတာက တစ်ချက်ရယ်။ အဲဒါတွေက မြင်ရတဲ့ ဒဏ်ရာတွေပေါ့။
☻အော်။ အစ်ကို ဖြစ်တဲ့ဟာတွေအပေါ်မှာ အစ်ကို့ကို ဆေးရုံတွေဘာတွေ ပို့ပေးလား။ ရဲစခန်းကနေ တစ်ဆင့်
☺ပို့ပေးပါတယ်။ ရဲဆေးစာနဲ့ (၇)နာရီ မတ်တင်းလောက်မှာ ဆေးရုံကို သူတို့ခေါ်သွားပါတယ်။ ရဲက ရဲကိုယ်တိုင်ပဲ ဆိုင်ကယ်နဲ့။
☻ဟုတ်ကဲ့။ အော် အဲ့ဒီမှာ ရဲစခန်းမှာ လာပြီး ၀ိုင်းတာ ဘာညာရော ရှိလား။ အစ်ကို့ကို အဲ့လို ခေါ်ထားတဲ့အချိန်မှာ
☺ရဲစခန်းမှာတော့ အဲ့ဒီလိုမျိုး ၀ိုင်းတာ မရှိဘူးနဲ့တူတယ်။ ဘာလို့လဲဆိုတော့ ကျနော်ကလဲ အဲ့ဒီအချိန်မှာ အထဲရောက်နေပြီ၊ ပြီးတော့ ကျနော်က တောက်လျှောက်မူးနေတာကြောင့် ဘာမှမသိဘူး။ ကျနော် သူမေးတာကိုတောင် မနဲဖြေနေရတယ်အစ်ကို။ နောက်ကျတော့ ကျနော် ရေးတောင်းသောက်တယ်။ ရေးသောက်လိုက်တာနဲ့ တောက်လျှောက်ကို အန်တော့တာပါပဲ။ ကျနော်က နောက်ဆုံး အိမ်သာထဲသွားပြီးတော့ အန်တယ်။ ကျနော် အဲ့ဒီမှာ အရမ်းစိုးရိမ်သွားတာက ခေါင်းကို တော်တော်လေးထိတယ်၊ အန်တယ်ဆိုတော့ ကျနော် အဲ့ဒီမှာ အရမ်းစိုးရိမ်သွားတယ်။ ဆေးရုံရောက်တဲ့အချိန် ကျတော့ ဆရာမကို ပြောပြတယ်။
☻အော်။ ဟုတ်ကဲ့။ ဆေးရုံမှာပေါ့နော်။
☺ဟုတ်။ ဆေးရုံမှာ။ ဆရာမက ဒီအတိုင်းပဲ ကြည့်ရုံပဲကြည့်တာ။ သူက ဘာမှ နောက်ဆုံးဗျာ ဒီဒဏ်ရာတွေကို တစ်ချက်လေးတောင်မှ ဟို။ ဒီမှာ ခေါင်းမှာ ဒဏ်ရာတွေကို တည်းခိုခန်းရောက်တော့မှ ပြန်ကြည့်တာကို ခေါင်းက ဒဏ်ရာတွေမှာ သွေးတွေချည်းပဲဗျ။ ဒါကို တစ်ချက်ကလေးတောင်မှ Cleaning မလုပ်ပေးလိုက်ဘူးဗျာ။
☻ဆရာမဆိုလို့ ဆရာဝန်မလား၊ နတ်စ်မလား။
☺ဆရာဝန်မ၊ ဆရာဝန်မကိုယ်တိုင်ပဲ ကြည့်တာ။
☻သူက ရခိုင်လူမျိုးပဲလား။ ဒီဘက်က ဗမာလူမျိုးပဲလား။
☺ကျနော် အဲ့ဒါတော့ မသိဘူးဗျ။
☻သူ့စကားပြောတဲ့အနေအထားက ၀ဲလားအစ်ကို။
☺သူစကားပြောတဲ့ အနေအထားကတော့ သူ ရခိုင်တွေနဲ့ပြောတာတော့ ၀ဲတယ်။ ဒါပေမဲ့ ကျနော်နဲ့ကတော့ သူ ဗမာလို ကောင်းကောင်းပြောတယ်။
☻အော် ဟုတ်ကဲ့။ အော် အစ်ကို့ကို ဒီလောက် ပြင်းပြင်းထန်ထန် ၀ိုင်းလုပ်ထာတာကို ဓာတ်မှန် ဘာညာလဲ မရိုက်ပေးဘူးပေါ့နော်။ ဆေးရုံက။
☺အဲ့ဒီမှာ ဆေးရုံက သူက ပြောတယ်။ အဲ့ဒီမှာ ဓာတ်မှန်ရိုက်ဖို့ ပြောတယ်။ အဲ့ဒီ ဓာတ်မှန်ရိုက်ဖို့ကိုတဲ့ အခုရိုက်လို့ မရဘူးတဲ့။ အဲ့ဒါတဲ့ မနက်ဖန်ကျမှတဲ့ သွားရိုက်တဲ့။ သူကပြောတယ်။ အဲ့ဒါနဲ့ ကျနော်က မဟုတ်ဘူး။ မနက်ဖန် ကျနော် ပြန်မှာလို့။ အဲ့ဒီတော့ သူက ဆေးစာလေး ရေးပေးလိုက်တယ်။ ဓာတ်မှန်ရိုက်ချင်ရင် အဲ့ဒီဆေးစာကို ပြပြီးတော့ ရိုက်လိုက်တဲ့။ ဘယ်လိုပြောရမလဲ။ အဲ့ဒီမှာ ထိုင်နေတဲ့ ဆရာမကိုယ်တိုင်ကဗျာ လုံးဝ Careless ပဲ။ အဲ့လောက်ကြီး ကျနော့်ကို Care မလုပ်ဘူးပေါ့နော်။
☻ဟုတ်ကဲ့။ ဟုတ်ကဲ့။ အော် နောက်တစ်ခုက ရဲစခန်းမှာ ရဲစစ်ချက်ယူတာတွေ၊ ဆေးရုံမှာ ဆေးကုသမှုခံယူတဲ့အခါမှာတွေမှာ သူတို့တွေ ၀န်ထမ်းလို့ပြောလို့ရတဲ့ပုဂ္ဂိုလ်တွေဟာ အစ်ကို့ကို ဆက်ဆံတဲ့အခါမှာ သာမန်လူတွေလို ဘာသာရေးခွဲခြားဆက်ဆံတာမျိုးတွေ၊ မထီလေးစားစကားမျိုးတွေနဲ့ ခွဲခြားဆက်ဆံတာမျိုးပေါ့ သဘောက ကျနော်တို့ ကလားမို့လို့ဆိုတဲ့ စကားမျိုးတွေ သုံးနှုံးတာမျိုးတွေ အဲ့ဒါမျိုးတွေရော ရှိလားအစ်ကို။
☺အဲ့ဒီ ရဲစခန်းမှာတော့ မရှိပါဘူး။ လုံးဝ မရှိပါဘူး။ နောက် အဲ့ဒီမှာ စရဖတွေရော၊ နောက်ပြီးကျတော့ SB ကရော အကုန်လုံး အဲ့ဒီမှာ လာကြတယ်။ ဘာဖြစ်လို့လဲဆိုတော့ တော်တော်များများနဲ့က ကျနော်နဲ့က ရင်းနှီးနေပြီ။ ဘာဖြစ်လို့လဲဆိုတော့ ရောက်တဲ့အချိန်ကတည်းကနေလေ ကျနော်က အစိုးရအဖွဲ့ရုံးကို ခဏခဏ သွားသွားနေတယ်။ ဟိုနေ့က တူရကီ ၀န်ကြီးလမ်းကြောင်းမှာလဲ ကျနော်တို့ကို ဒီ ၀န်ကြီးချုပ်ရုံးကနေ ဖိတ်လို့ ကျနော်တို့ အဲ့ဒီမှာ သွားရသေးတယ်။ နောက် အဲ့ဒီမှာ တောက်လျှောက်ကို ရောက်ကတည်းက ကျနော်က လူတော်တော်များများနဲ့တော့ တရင်းတနှီးတော့ ရှိနေပြီ။ အထူးသဖြင့် ဒီဘက်က ရဲတို့၊ ဘာတို့ ညာတို့ အာဏာပိုင်ဘက်ကနေဆိုရင် တော်တော်များများက ကျနော့်ကို သိသလောက်ကိုရှိနေတာ။
☻အော်။ အစ်ကိုက ဒါဆို ပထမဆုံး စစ်တွေကို ရောက်တာမဟုတ်ဘူးပေါ့။
☺မဟုတ်ဘူး။ ဒါ ပထမဆုံးအကြိမ်ရောက်ဖူးတာ ကျနော်။
လူမှုကယ်ဆယ်ရေးနှင့် ဘာသာပေါင်းစုံ ချစ်ကြည်ငြိမ်းချမ်းရေးလုပ်ငန်းစဉ်များတွင် တက်ကြွစွာ ပါဝင်လေ့ရှိသူ ကိုရှိုင်း
☻အော်။ ရင်းနှီးနေတယ်ဆိုတာကရော။
☺ရင်းနှီးတယ်ဆိုတာက ရောက်ကတည်းက တစ်ယောက်နဲ့တစ်ယောက် ရီပြ ပြုံးပြ နောက် ဘယ်ကလဲ ဘာညာ စကာပြောကြနဲ့၊ နောက် ကျနော်က ကျနော့်ရဲ့ MRA ကတ်တွေကိုလဲ အကုန်လုံးကိုပေးထားတယ်လေ။ နောက် အထူးသဖြင့် အဲ့ဒီမှာ အာဏာပိုင်အဖွဲ့အစည်းတွေအကုန်လုံးကိုလဲ ကျနော်တို့က တွေ့ထားတကိုး။ ၀န်ကြီးချုပ်တစ်ယောက်တည်းနဲ့သာ ကျနော်တို့ တွေ့လို့မရသေးတာ။ ကျန်တဲ့ ၀န်ကြီးတွေ၊ နောက် ဒီ အကုန်လုံး အားလုံးကို ကျနော်တို့က တွေ့ထားတာကိုး။ တွေ့ထားတဲ့အခါကျတော့ ကျနော်တို့ အဲ့ဒီမှာ ပေးထား ပြုထားတဲ့အခါကျတော့ ကျနော့်ကို သိနေတယ်။ နောက် ကျနော့်ကိုယ်တိုင်ကိုလဲ အဲ့ဒီအားလုံးကလဲ ကျန်တဲ့ လူခွဲတွေအားလုံးကလဲ ကျနော့်ကို သတိထားမိကြတယ်ပေါ့နော်။ ဘာဖြစ်လို့လဲဆိုတော့ ကျန်ာက အဲ့ဒီကို စရောက်တဲ့နေ့ကတည်းက ကျနော့်ရုပ်နဲ့ဆိုတော့ ကျနော့်ကို မှတ်မိနေကြတယ်။ ကျနော်တို့ အဲ့ဒီမှာ RNDP ကလူတွေနဲ့လည်း သွားတယ်။ နောက် ပထမတစ်နေ့ကလည်း အဲ့ဒီ ပစ္စည်းတွေကို ဝေတယ်၊ ပြုတယ်။ အထူးသဖြင့် အစိုးရပိုင်းက ကျနော့်ကို သေသေချာချာ သိသွားတာကတော့ ၀န်ကြီးချုပ်ရုံးမှာ တူရကီဝန်ကြီးလာတဲ့နေ့က ၀န်ကြီးကခေါ်လို့ ကျနော်တို့ အစည်းအဝေးသွားတတ်တယ်လေ။ အဲ့ဒီနေ့က သတင်းသမားတွေရော၊ SB တွေရော ရှိတယ်။ ကျနော်တို့က ကတ်လေးတွေ ပေးလိုက်တယ်လေ။ သူတို့ကနေ လာမေးလို့ အကုန်လုံးကို အဲ့ဒီမှာ ကတ်လေးတွေ ပေးလိုက်ပါတယ်။ ဒါကြောင့် သိသွားကြတာပါ။
☻ဟုတ်ကဲ့။ အစ်ကိုအဲ့ဒီတော့ ဆေးရုံကိုတော့ ရဲကပဲ လိုက်ပို့တယ်ပေါ့နော်။
☺ဟုတ်ပါတယ်။ ဟုတ်ပါတယ်။ ရဲတွေက လိုက်ပို့ပေးတာပါ။
☻ဆေးရုံကနေ တည်းခိုခန်းကို လိုက်ပို့တာရော ရဲတွေကပဲ လိုက်ပို့တာလား။
☺ဟုတ်ကဲ့။ ရဲတွေပဲ လိုက်ပို့ပေးပါတယ်။
☻အဲ့ဒီလို လိုက်ပို့တာမှာ ဆိုင်ကယ်နဲ့ပဲလား။ ကားနဲ့လား။
☺ဆိုင်ကယ်နဲ့ပါ။ ဆေးရုံနဲ့ ကျနော့် တည်းခိုခန်းနဲ့က သိပ်မဝေးဘူး။ ကပ်ကပ်လေးပဲ။ ဟိုဘက်နားလေးပဲ။ နီးနီးလေးပဲ။ ကျနော် အဲ့ဒီအချိန်မှာ ကာဖျူး (ညမထွက်ရအမိန့်) အချိန် ၀င်နေပြီ။ ဆေးရုံကနေ လိုက်ပို့တဲ့အချိန်မှာ။
☻အော်။ ဟုတ်ကဲ့။ နောက်တစ်ခုက အစ်ကိုနဲ့အတူပါလာတဲ့ နိုင်ငံခြားသားတွေကရော ဘယ်အချိန်မှာ ဒီသတင်းကို ရသွားလဲ။ ဘယ်အချိန်လောက် အစ်ကို့ဆီ ရောက်လာလဲ။
☺ကျနော် ဆေးရုံကို ရောက်လာတဲ့အချိန်မှာ သူတို့ အဲ့ဒီကို လိုက်လာပေးတယ်။ သူတို့ ဟိုမှာ ရုန်းရင်းဆန်ခတ်ဖြစ်ပြီးတော့ ဘယ်လောက်မှမကြာဘူး။ သူတို့ ကျနော့်ဆီကို ဖုန်းဝင်လာတယ်။ ရှိုင်းတဲ့ မင်း အဲ့ဒီနားမှာ မြို့ထဲမှာ မင်း ပြဿနာဖြစ်တယ်လို့ကြားတယ်ပေါ့ အဲ့လိုမျိုးပြောတယ်။ ကျနော်က ဟုတ်တယ်။ ငါအခု စခန်းမှာ ရောက်နေတယ်။ ဟုတ်တယ် ကျနော် သူ့ကို အဲ့လောက်ပဲ ပြောလိုက်နိုင်တယ်။ ခေါင်းအရမ်း မူးနေတဲ့အချိန်လေ။ အဲ့ဒါ နောက်ကျတော့ သူတို့ ရောက်လာတယ်။
☻အော်။ သူတို့က ဆေးရုံကြမှ ရောက်လာတာလား။
☺မဟုတ်ဘူး။ မဟုတ်ဘူး။ ရဲစခန်းမှာကတည်းက ရောက်လာတာ။
☻အော်။ သူတို့ ဆေးရုံကိုလဲ လိုက်ပေးတယ်ပေါ့။
☺ဟုတ်တယ်။ ဆေးရုံကိုလဲ သူတို့ ကိုယ်တိုင်လိုက်ကြတယ်။
☻အဲ့တော့ အစ်ကိုတို့ ဒီရန်ကုန်ကိုကျတော့ ဘယ်နေ့က ပြန်ထွက်လာလဲ။
☺ရန်ကုန်ကို ဒီနေ့ (14-9-2012 သောကြာနေ့) မနက်၊ နေ့ခင်းပေါ့နော်။ ဟိုကနေ (၁၁)နာရီခွဲပေါ့ ဟိုကနေ ပြန်ထွက်လာတယ်။
☻အော်။ လေယာဉ်နဲ့ပဲပေါ့။
☺ဟုတ်တယ်။ လေယာဉ်နဲ့ပါပဲ။
☻ပြန်လာတော့ အစ်ကိုတစ်ယောက်တည်းပဲလား။ အစ်ကိုတို့ MRA NGO က ကျန်ခဲ့သေးလား။ တစ်ဖွဲ့လုံးလား။ အစ်ကို့ကို တစ်ယောက်တည်း ပြန်လွှတ်လိုက်တာလား။
☺ကျနော်တို့ တစ်ဖွဲ့လုံး အားလုံး ပြန်လာလိုက်တာ။
☻ဟုတ်ကဲ့။ အစ်ကို့ရဲ့ အခုလက်ရှိရော ကျန်းမာရေးအခြေအနေက ဘယ်လိုရှိလဲ။ သက်သာရဲ့လား။ လတ်လတ်ဆတ်ဆတ် ဒဏ်ရာတွေဆိုတော့
☺ကျနော် လောလောဆယ်မှာတော့ ခေါင်းက မူးနေသေးတယ်။ နောက် တစ်ကိုယ်လုံး ထုထောင်းထားတော့ အရမ်းကိုက်ခဲနေတယ်။ ဒဏ်ရာတွေကတော့ နာနေတာပေါ့။ မနေ့တုန်းကတော့ သွေးပူနေတာကြောင့် သတိမိဘူး။ သိတယ်မလား။ သွေးပူနေတာ နာရကောင်းမှန်းလဲ သိမနေဘူးပေါ့။ ဒီနေ့မနက်ကျတော့လဲ ပြန်ဖို့အတွက် သိမ်းတာ ဆည်းတာတွေလုပ်၊ နောက် ပစ္စည်းတွေကိုလဲ ဘယ်လိုလုပ်ရမလဲ အဲ့ဒီလို သောကဖြစ်နေတာလေ။
☻အော်။ ဟုတ်။ အစ်ကို ဒီလိုဖြစ်လိုက်တော့ ၀ယ်ပြီးသားပစ္စည်းတွေက မဝေဖြစ်လိုက်ဘူးပေါ့။ ဟုတ်လားအစ်ကို။
☺အဲ့ဒီဝယ်ပြီးသားပစ္စည်းတွေက မနေ့က ဖြစ်လိုက်ကတည်းက ဘယ်သူမှကို ဖြန့်ပေးမယ့်သူမရှိဘူး ဖြစ်သွားတယ်။ အဲ့ဒါနဲ့ နောက်ဆုံးကျတော့ ရဲက စခန်းမှူးကိုပဲ အကူအညီတောင်းပြီးတော့ အဲ့ဒီပစ္စည်းတွေကို တစ်နေနေရာကို ပို့ပေးပါ။ စခန်းမှူးကပဲ အိုကေရတယ်။ ကြည့်စီစဉ်ပေးမယ်။ သူတို့က အဲ့ဒီမှာ နာရေးကူညီမှုအသင်းရှိတယ်လေ။ ကျနော်တို့ကလဲ မနေ့က အဲ့မှာ နာရေးကူညီမှုအသင်းနဲ့ ပူးပေါင်းပြီးတော့ ဖြန့်မယ်လို့ လုပ်ထားတာကိုး။ အဲ့ဒါနဲ့ ကျနော့်စိတ်ထင် ရဲစခန်းနဲ့နာရေးကူညီမှုအသင်း ပေါင်းပြီးတော့ ဓည၀တီ အားကစားကွင်းကို ပို့ထားလိုက်မယ်ထင်တယ်။
(အကြမ်းဖက် တိုက်ခိုက်ခံရသူ ကိုရှိုင်းဟာ ရန်ကုန်မြို့ကို ပြန်လည် ရောက်ရှိပြီးနောက် ကျနော် အခု ဆက်သွယ်မေးမြန်းနေတဲ့အချိန်မှာပဲ ကျန်းမာရေးအတွက် လိုအပ်တဲ့ ဆေးကုသမှုခံယူနိုင်ရန် မလေးရှားနိုင်ငံ MRA အဖွဲ့မှ နိုင်ငံခြားသား အဖွဲ့ဝင်များမှ ဆရာဝန်ထံ သွားရောက်ရန် လာရောက် ခေါ်ဆောင်၍ သွားဖို့ ပြင်ဆင်နေချိန်ဖြစ်နေတာနဲ့အတူ ဖြေကြားပေးသူရဲ့ ကျန်းမာရေးအတွက် အားနာတာကြောင့် အလွန် အရေးကြီးသော မေးခွန်းလေးတစ်ချို့ကို အမြန်မေးပြီး အဆုံးသတ်လိုက်ရပါတယ်။)
(နိဂုံးပိုင်းသို့) ဆက်ပါအုံးမယ်။
လေးစားစွာဖြင့် -
ခေဋီဈက်အို
ဘုန်းတော်ကြီးကျောင်းတစ်ခု၌ လူမှုရေးလုပ်ငန်းများ လုပ်ကိုင်နေသူ ဘာသာခြား လုပ်ဖော်ကိုင်ဖက်များနှင့် အခုကဲ့သို့ ရင်းနှီးပျော်ရွှင်စွာ နေထိုင်လေ့ရှိသူ ကိုရှိုင်း
ရခိုင်ပြည်နယ် စစ်တွေမြို့ မြို့မဈေးကြီးအတွင်း၌ ဒေသခံ ရခိုင်လူမျိုးတို့၏ ဆိုင်များတွင် MRA အဖွဲ့မှ လိုအပ်သည့် ကူညီကယ်ဆယ်ထောက်ပံ့ရေးပစ္စည်းများအား စကားပြန် ကိုရှိုင်းမှ လိုက်လံ ၀ယ်ယူပေးနေစဉ် (လည်ဆွဲကြိုးပြာလွယ်ထားသူမှာ ဈေးရောင်းနေသူ ဒေသခံ ရခိုင်လူမျိုးတစ်ဦးဖြစ်ပါသည်။)http://news.mmsy.info/news/5836
မှကူးယူဖော်ပြပါသည်။
No comments:
Post a Comment
Note: Only a member of this blog may post a comment.