မွတ်စလင်မ်ကျောင်းသားများ စစ်တွေတက္ကသိုလ်သို့ ပြန်တက်ခွင့် အဓမ္မ ပိတ်ပင်ခံနေရ

၂၅.၇.၂၀၁၂ စစ်တွေတက္ကသိုလ်ပြန်လည်ဖွင့်လှစ်သည်မှာ တစ်ပတ်ကျော်ခန့် ကြာပြီဖြစ်သော်လည်း မွတ်စလင်မ် ကျောင်းသား များ ကျောင်းပြန်တက်ခွင့် အဓမ္မ ပိတ်ပင်ခံထားရသဖြင့် ၀မ်းနည်းပူဆွေးနေရကြောင်း ဒါးပိုင် ဒုက္ခသည်စခန်းမှ ကျောင်းသားများက ပြောကြားသည်။ “သူများတွေ ကျောင်းတက်နေရချိန် ကျွန်တော်တို့က တက်ခွင့်မရဘူး။ အရမ်းဝမ်းနည်းမိတယ်။ အဖက်ဖက်က ဖိနှိပ်ခံနေရတာပါ။ အစာရေစာလည်း အလုံအလောက်မရဘူး” ဟု ဒါးပိုင်ဒုက္ခသည်စခန်းမှ တက္ကသိုလ် ကျောင်းသားတစ်ဦးက myanmarmuslim.net သို့ပြောကြားသည်။ ဒါးပိုင်းဒုက္ခသည်စခန်းတွင် မွတ်စလင်မ် ....

တက္ကသိုလ်ကျောင်းသား ၄၀၊ သဲချောင်းတွင် ၁၅ ဦး၊ သက်ကယ်ပြင် တွင် ၅၀ စသည်ဖြင့် ဒုက္ခသည်စခန်းရောက် မွတ်စလင်မ် ကျောင်းသားရာကျော်သည် စစ်တွေတက္ကသိုလ်သို့ ပြန်လည်တက်ရောက်ခွင့် မရကြောင်း သိရသည်။

ထိုကဲ့သို့ မွတ်စလင်မ်ကျောင်းသားများအား ကျောင်းတက်ခွင့်ပိတ်သည့်သတင်းကို စစ်တွေတက္ကသိုလ် ပြန်လည် ဖွင့်လှစ်ကာနီးအချိန်ကတည်းက အာဏာပိုင်အချို့က လာရောက်အကြောင်းကြားခဲ့ကြောင်း သိရသည်။

“ပြည်နယ်ရဲ့ စီးပွားရေးဝန်ကြီး ဦးမြင့်အောင်က ဒီလိုပြဿနာတွေထပ်ဖြစ်ရင် ဘယ်သူက တာဝန်ယူမှာလဲ။ ဒါကြောင့် ခင်ဗျားတို့ လူတွေ ကျောင်းမတက်ပါနဲ့လို့ ပြောတယ်”ဟု ဒါးပိုင်းဒုက္ခသည်စခန်း တာဝန်ရှိသူတစ်ဦးက myanmarmuslim.net သို့ ပြောကြားသည်။

ဒါးပိုင်ဒုက္ခသည်စခန်း ရိက္ခာကိစ္စတွေဆွေးနွေးပွဲတွင် စီးပွားရေးဝန်ကြီးဦးမြင့်အောင်က အထက်ပါအတိုင်း ပြောကြားခဲ့ခြင်းဖြစ်သည်။ ရခိုင်ပြည်နယ်အတွင်းရှိ မွတ်စလင်မ်ကျောင်းသားများ ကျောင်းတက်ခွင့်အဓမ္မ ပိတ်ပင်ခံထားရခြင်းကို
မြန်မာနိုင်ငံတွင်းရှိ မည်သည့်မီဒီယာတွင်မျှ ဖော်ပြထားခြင်းမရှိကြောင်း သတင်း ဖော်ပြချက်များအရ သိရသည်။

SK(MMM)http://www.myanmarmuslim.net/news.php?extend.754

မှကူးယူဖော်ပြပါသည်။