မူးယစ်ရာဇာ နော်ခမ်းကို ကွပ်မျက်ပြီ

တရုတ်အစိုးရက ဆေးထိုးသုတ်သင်ရန် ခေါ်ထုတ်လာသည့် မူးယစ်ရာဇာ နော်ခမ်း (ဓာတ်ပုံ – Reuters)

 

 

 

 

 

 

မြန်မာမူးယစ်ရာဇာ စိုင်းနော်ခမ်းနှင့် အပေါင်းအပါ သုံးဦးကို တရုတ်သင်္ဘောသား ၁၃ဦးအား သတ်ဖြတ်မှုနှင့် ပတ်သက်၍ တရုတ်အစိုးရက ယနေ့ ကွပ်မျက်လိုက်ပြီ ဖြစ်ပြီး တရုတ် ရုပ်သံလိုင်း CCTV တွင် ထုတ်လွှင့်ပြသခဲ့သည်။

 

တရုတ်နိုင်ငံ၏ ပြည်သူ့တရားရုံးချုပ်က အယူခံကို ပြန်လည်စစ်ဆေးပြီးနောက် ထိုသို့ ချမှတ်လိုက်ခြင်းဖြစ်ကြောင်း၊ နော်ခမ်းနှင့်အတူ ထိုင်နိုင်ငံသား ဆန်ခမ်း၊ လာအိုနိုင်ငံသား တျာဇီခါ နှင့် နိုင်ငံမဲ့တဦးဖြစ်သည့် ယီလိုင်တို့လည်း သေဒဏ်စီရင်ခဲ့ကြောင်း သိရသည်။တရားခံများကို ၎င်းတို့၏ ဆွေမျိုးသားချင်းများနှင့် တွေ့ဆုံနိုင်ရန် ယူနန်ပြည်နယ်တရားရုံးက ကူမင်းမြို့ရှိ ထိုင်း၊ မြန်မာ ကောင်စစ် ၀န်ရုံးများနှင့် ညှိနှိုင်းဆောင်ရွက်ပေးခဲ့ပြီး၊ သေဒဏ်စီရင်ပြီးနောက် ၎င်းတို့၏ ရုပ်အလောင်းများကို ပြန်လည် သယ်ယူခွင့်ကိုပါ စီစဉ်ပေးကြောင်း သိရသည်။

 

ရွှေတြိဂံဒေသတွင် Godfather ဟု လူသိများသူ မူးယစ်ရာဇာ နော်ခမ်းသည် ယခင် ဦးခွန်ဆာ ခေါင်းဆောင်သည့် မော်ထိုင်းတပ်မတော် (MTA) တပ်ဖွဲ့ဝင်ဟောင်းတဦးဖြစ်ပြီး၊ ၂၀၀၆ ခုနှစ်တွင် ဒေသတွင်းရှိ လားဟူ၊ ရှမ်း၊ အခါ စသည့် တိုင်းရင်းသားများကို စုစည်းကာ လက်နက်ကိုင် လှုပ်ရှားနေသည့်အဖွဲ့ ဖြစ်သည်။

 

မြန်မာ၊ လာအို၊ ထိုင်း ဆက်စပ်နယ်မြေ ရွှေကြိဂံဒေသ၌ လှည့်လည်ကာ မဲခေါင်မြစ်အတွင်း သွားလာနေသည် လှေ၊ သင်္ဘောများကို ဆက်ကြေးကောက်ခံခြင်း၊ မူးယစ်ဆေးဝါး ကုန်ကူးခြင်း၊ ဒေသတွင်းရှိ အစိုးရတပ်ဖွဲ့များကို ခြောင်းမြောင်း တိုက်ခိုက်ခြင်းများကို နော်ခမ်းနှင့်အဖွဲ့က ပြုလုပ်ကြောင်း စွပ်စွဲပြောဆိုမှုများ ရှိခဲ့သည်။၂၀၁၁ ခုနှစ် အောက်တိုဘာလအတွင်း မဲခေါင်မြစ်တွင်း တရုတ်ကုန်တင်သင်္ဘော နှစ်စီးမှ တရုတ်သင်္ဘောသား ၁၃ ဦး သတ်ဖြတ်ခံရမှုနှင့် ပတ်သက်ပြီး ထိုင်းနှင့် တရုတ်အစိုးရတို့က နော်ခမ်းနှင့် အဖွဲ့က ပြုလုပ်သည်ဟု စွပ်စွဲပြောဆိုခဲ့သည်။

 

ထို တရုတ်သင်္ဘောနှစ်စီးကို မူးယစ်ဆေးဝါး သယ်ဆောင်လာသည်ဟု ထင်မြင်ယူဆသည့်အတွက် ထိုင်းတပ်ဖွဲ့ဝင်များက စီးနင်းတိုက်ခိုက်ရာ လက်ပြန်ကြိုး တုတ်ထားသည့် သေဆုံးနေသော တရုတ်သင်္ဘောသားများကို တွေ့ရှိခြင်းဖြစ်ကြောင်း၊ မူးယစ်ရာဇာ နော်ခမ်း၏ လက်ချက်ဖြစ်နိုင်ကြောင်း ထိုင်းရဲဗိုလ်ချုပ် Prakarn Chonlayuth က ထိုစဉ်က ပြောဆိုခဲ့သည်။သို့သော် ထိုင်းသတင်းစာများတွင်မူ တရုတ်သဘောင်္သား ၁၃ ဦး အသတ်ခံရမှုနှင့် ပတ်သက်ပြီး ထိုင်း စစ်သား ၉ ဦးသည် ထိုင်းနိုင်ငံ ချင်းရိုင်ခရိုင် ချင်းစန်မြို့နယ် ရဲဌာန၌ လာရောက် အဖမ်းခံခဲ့ကြောင်း ရေးသားမှုများလည်း ရှိခဲ့သည်။

 

နောက်ပိုင်းတွင် တရုတ်နိုင်ငံက နော်ခမ်းနှင့် အဖွဲ့လက်ချက်ဟု ဆိုကာ မြန်မာ၊ ထိုင်း၊ လာအို နိုင်ငံများနှင့် ပူးပေါင်း၍ ဥပဒေကြောင်းအရ အရေးယူ ဆောင်ရွက်ရန် တိုက်တွန်းခဲ့သည်။

ပြီးခဲ့သည့်နှစ်တွင် နော်ခမ်းနှင့်အဖွဲ့ လာအိုနိုင်ငံတွင် ဖမ်းဆီးခံရပြီး တရုတ်နိုင်ငံသို့ လွှဲပြောင်းခံရကာ ယခုကဲ့သို့ သေဒဏ်စီရင် ခံရခြင်းဖြစ်သည်။

 

နော်ခမ်းနှင့် အဖွဲ့သည် ရွှေကြိဂံဒေသတွင် လွတ်လပ်စွာ လှုပ်ရှားနိုင်ရန်အတွက် ရှမ်းပြည်နယ် ကျိုင်းတုံ၊ တာချီလိတ် စသည့် ဒေသ အခြေစိုက် စစ်တပ်အရာရှိကြီးများနှင့် အဆက်အဆံရှိခဲ့ကြောင်း၊ နော်ခမ်း အဖမ်းခံရပြီးနောက် ထိုင်းနိုင်ငံ မယ်ဆိုင်မြို့နယ် အတွင်းရှိ ၎င်းပိုင် နေအိမ်များနှင့် ပစ္စည်းဥစ္စာများကို ထိုင်းအာဏာပိုင်များက သိမ်းဆည်းခဲ့ကြောင်း အတည်မပြုနိုင်သော ဒေသတွင်း သတင်းများအရ သိရသည်။

 

အခုအချိန်တွင် တရုတ်၊ မြန်မာ၊ လာအို၊ ထိုင်း လေးနိုင်ငံပူးတွဲ၍ မဲခေါင်မြစ်အတွင်း ကင်းလှည့်မှုများ ပြုလုပ်လျက်ရှိသည်။

 

 irrawaddy  သတင်း