အစ္စလာမ်ဘာသာဝင်များ ရခိုင်တွင် လူ့အခွင့်အရေးဆက်လက်ချိုးဖောက်ခံနေရ

 

		သြဂုတ်လ၊ ၁၉ ရက်၊ ၂၀၁၂   ရခိုင်ဗုဒ္ဓဘာသာ-ရိုဟင်ဂျာပဋိပက္ခအပြီး အစ္စလာမ်ဘာသာဝင်များကို ရိက္ခာဖြတ်တောက်ခြင်း၊ ရောင်းဝယ်ခွင့် ပိတ်ပင်ခြင်း၊ ပိုင်ဆိုင်မှုများကို ဖျက်ဆီးခြင်း၊ ဆေးဝါးကုသခွင့်၊ ခရီးသွားလာခွင့်တို့ကို ရခိုင်ပြည်နယ်အစိုးရ ကျောထောက်နောက်ခံပြုပေးထားသည့် ရခိုင်ဗုဒ္ဓဘာသာအကြမ်းဖက်များက အစဉ်တစိုက် လုပ်ဆောင်လျှက် ရှိသည်။ စစ်တွေမြို့တွင် အစ္စလာမ်ဘာသာဝင်များအား နိုင်ငံပိုင်ဆေးရုံများတွင် တက်ရောက်ကုသခွင့်ကို ပိတ်ပင်နေသည့် .....

လူ့အခွင့်အရေး ချိုးဖောက်မှုများ ဆက်လက်ဖြစ်ပွားနေကြောင်း၊ ရခိုင်ဒေသသို့ နိုင်ငံတော်က စေလွှတ်သဖြင့် ၂ ပတ်ခန့် သွားရောက် ကုသပေးခဲ့ရသူ ဗုဒ္ဓဘာသာ ဆရာဝန်တစ်ဦးက myanmarmuslim.net သို့ ယမန်နေ့ကပြောကြားသည်။

“အရေးပေါ်လူနာအဖြစ် ထောက်ခံချက်ရေးပေးတာကိုတောင် အကြောဆေးချိတ်ပေးပြီး ပြန်လွှတ် လိုက်တယ်။ ဂျီးအီးကေ့စ်(၀မ်းလျှောရောဂါ)မှာ ဒီလိုလုပ်ပြီးပြန်လွှတ်လိုက်တော့ ညနေပိုင်းမှာ လူနာသေသွားတယ်”ဟု ဗုဒ္ဓဘာသာဝင်ဆရာဝန်တစ်ဦးက ကိုယ်တွေ့ဖြစ်ရပ်ကိုပြောသည်။

စစ်တွေတွင် ကုတင် ၂၀၀ ဆန့် တပ်ဆေးရုံနှင့် စစ်တွေဆေးရုံ ၂ ခုရှိသည်။ အဆိုပါဆေးရုံများသို့ ရခိုင် ဗုဒ္ဓဘာသာဝင်များသာ တက်ရောက်ကုသခွင့် ရရှိပြီး အစ္စလာမ် ဘာသာဝင်များ မှာမူ တက်ရောက်ကုသခွင့် ငြင်းဆန်ခံနေရကြောင်း ဒေသခံများနှင့် ကိုယ်တိုင်ကြုံတွေ့ခဲ့သူ တို့၏ပြောကြားချက်များအရသိရသည်။

“ရွာတွေကနေ မြို့ဆေးရုံကို ကြက်ခြေနီကားနဲ့ပဲသွားလို့ရတယ်။ ကားသွားဖို့ကိုလည်း ၅ ဖွဲ့လောက်ရဲ့ ခွင့်ပြုချက်ယူရတယ်”ဟု အထက်ပါ ဆရာဝန်ကပင် ဆက်လက်ပြောကြား သည်။

ရခိုင်ဒေသတွင် ဒုက္ခသည်များအတွက် ကျန်းမာရေးစောင့်ရှောက်မှုပေးရန် ဆရာဝန်အင်အား များစွာ လိုအပ်နေပြီး ယခုအချိန်တွင် လူနာ ၂၀၀ ၀န်းကျင်အတွက် ဆရာဝန်တစ်ဦးနှုန်း ခန့်သာရှိနေသဖြင့် ကျန်းမာရေး ၀န်ဆောင်မှု လွန်စွာ အားနည်း နေကြောင်း လည်း သိရသည်။
မွတ်စလင်မ်အများစုမှာ ဆေးရုံတက် ကုသခွင့်မရဘဲ ဒုက္ခသည် စခန်းများတွင် ဖွင့်လှစ်ထားသည့် ဆေးပေးရုံများတွင်သာ ကုသမှုခံယူနေကြရသည်။

ရခိုင်ဒေသ တွင် ဆေးဝါးကုသရေး NGO အဖွဲ့တစ်ခု ဖြစ်သည့် AZG အဖွဲ့ကမူ လူမျိုး/ဘာသာမရွေးအား ၀န်ဆောင်မှုပေးနေကြောင်းသိရသည်။

ရခိုင်ဒေသတွင် နိုင်ငံတော်က လူမျိုး/ဘာသာမခွဲ တန်းတူ စောင့်ရှောက် ကြောင်း မြန်မာ မီဒီယာများတွင် ဖေါ်ပြလေ့ ရှိသော်လည်း အဆိုပါဒေသသို့ ကိုယ်တိုင်သွားရောက်ခဲ့သူ တူရကီဝန်ကြီးချုပ် ၏ဇနီးကမူ မြန်မာ့သတင်း ထုတ်ပြန်ချက်တို့နှင့် ဆန့်ကျင်နေသည့် ဖြစ်ရပ်များကို မြင်တွေ့ခဲ့ရသည်ဟု ဆိုပါသည်။
“မြင်ရတဲ့မြင်ကွင်းကို ထုတ်ဖေါ်ပြဖို့ရာ ပြောစရာစကားတောင် မရှိလောက်အောင်ပါပဲ၊ သူတို့မှာ အစားအသောက်တွေ ရှားနေပေမဲ့ စားရဖို့ထက် မသေဘဲ ရှင်သန်နိုင်အောင် ကြိုးစားနေကြတယ်။

အဲဒီမှာ လူသားတစ်ယောက်နဲ့ မျက်စိနဲ့ တွေ့ရဖို့ ခက်တဲ့ မြင်ကွင်းတွေရှိတယ်။ အဲဒီဒေသ (ရခိုင်)မှာ မွတ်စလင်မ်တွေ ထောင်ချီပြီးသေအောင်၊ သိန်းပေါင်းများစွာ လူတွေကို အိမ်တွေက ထွက်ပြေးရအောင် လုပ်နေတဲ့သူတွေရှိတယ်လို့ မြင်တယ်။ အဲဒီအထဲမှာ ကျွန်မကိုပိုဝမ်းနည်းစေတာက ဘာသာရေး လူတန်းစား တစ်ရပ် (ဗုဒ္ဓဘာသာဘုန်းကြီး) ပါနေတာပါပဲ။ ဘာသာရေး ခေါင်းဆောင်ဆိုတာ လူတွေကို မေတ္တာပေးရမယ့်သူတွေပါ။ ကမ္ဘာမှာလည်း အဲဒီလိုပဲသိထားကြတယ်။”ဟု
အမီနာအလ်ဒိုးဂါမ် (Emine Erdoğan)က တူရကီသတင်းစာ Zaman သို့ ပြောကြားခဲ့သည်။

http://www.myanmarmuslim.net/

မှကူးယူဖော်ပြပါသည်။