မစ္စတာ အရီဖင်သည် ၎င်း၏ ခြောက်ရက်ကြာ ရခိုင်ခရီးစဉ်အတွင်း ပြည်နယ် အစိုးရအဖွဲ့နှင့် တွေ့ဆုံကာ ဒုက္ခသည် စခန်းများသို့ သွားရောက်မည် ဖြစ်ကြောင်း သိရသည်။ ကျန် အဖွဲ့ဝင်များကမူ ရခိုင်ပြည်နယ်တွင်း ၁၁ ရက်ကြာ
နေထိုင်ကြမည် ဖြစ်သည်။
အင်္ဂါနေ့ကမှ သမ္မတ ဦးသိန်းစိန်၏ လွတ်ငြိမ်းချမ်းသာခွင့် အမိန့်ဖြင့် ပြန်လည် လွတ်မြောက်လာသော ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ဝန်ထမ်း ဒေါ်ချိုလေးမာသည် သူ၏ သားများဖြစ်သည့် စည်သူ
မောင်မောင်ချို၊ ဥတ္တရ ညီညီချို တို့နှင့်အတူ ကြာသပတေးနေ့ မနက်က စစ်တွေမှ ရန်ကုန်သို့ လေကြောင်းခရီးဖြင့် ထွက်ခွာသွားကြသည်။
သြဂုတ် ၂၉ ရက်နေ့ကလည်း အိန္ဒိယသံအမတ်ကြီး ဒေါက်တာ သျှီရှာသရီ H.E. Dr. V.S. Seshatri သည် ပြည်နယ် အစိုးရအဖွဲ့ရုံး၌ ဝန်ကြီးချုပ် ဦးလှမောင်တင် နှင့် တွေ့ဆုံကာ ဒုက္ခသည်များအတွက် အမေရိကန် ဒေါ်လာ နှစ်သိန်း လှူဒါန်းပြီး စစ်တွေမြို့ မင်းဂံ ဒုက္ခသည်စခန်းနှင့် သက္ကေပြင် ဒုက္ခသည်စခန်းများကို လှည့်လည်ကြည့်ရှုခဲ့သည်။
သံအမတ်ကြီးသည် ကုလားတန် ဘက်စုံစီမံကိန်း ဆောင်ရွက်နေသော Essar ကုမ္ပဏီ၏ စစ်တွေ ဆိပ်ကမ်း တည်ဆောက်ရေး လုပ်ငန်းခွင်သို့လည်း သွားရောက် ကြည့်ရှုကာ ကြာသပတေးနေ့ ညနေပိုင်းတွင် စစ်တွေမှ
လေကြောင်း ခရီးဖြင့် ပြန်လည် ထွက်ခွားသွားခဲ့ကြောင်း သိရသည်။
http://mizzimaburmese.com/news/
မှကူးယူဖော်ပြပါသည်။
No comments:
Post a Comment
Note: Only a member of this blog may post a comment.