ဘာသာရေးအကြမ်းဖက်မှုလက်သည် ဆန်းပြားကိန်းဂဏန်း ၉၆၉

• စောင့်ကြည့်စရာ မီဒီယာ
• စာအုပ်စဉ်
• ကာတွန်း
• သရော်စာ
• ဂီတ
• ရုပ်ရှင်
• ဓါတ်ပုံ

အထူးသတင်း အာဘော်/ဆောင်းပါး — 15 April 2013

“ဗုဒ္ဓဘာသာအမျိုးသားရေးဝါဒီတွေက မြန်မာ မွတ်စလင်တွေကို ဆိုးဆိုးဝါးဝါးတိုက်ခိုက် သတ်ဖြတ်ခဲ့ကြပြီ…”

ပူးပြင်းခြောက်သွေ့တဲ့ နွေရာသီနဲ့အတူ မြန်မာပြည်အောက်ပိုင်းက ရန်ကုန်မြို့ဟာ နေ့ဘက်မှာတော့ ပူအိုက်ခြောက်ကပ်တဲ့ မြို့တစ်မြို့ဖြစ်ပြီး ညဘက်မှာမှ လမ်းဘေး လက်ဘက်ရည်ဆိုင်တွေ၊ အများပိုင် စင်္ကြံများပေါ်က ဈေးဆိုင်တွေနဲ့ ပြန်လည် အသက်ဝင်စည်ကားလာပါတယ်။

မွတ်စလင်အများစုနေထိုင်ရာ ရပ်ကွက်တွေမှာ ပုံမှန်ထက် နောက်ကျပြီး လူတွေ စုရုံးနေကြတယ်။ တစ်ချို့လည်း ညလုံးပေါက် နိုးကြားနေတယ်။ အကြောင်းကတော့ မြန်မာပြည်ရဲ့ အထိမခံကွဲရှတတ်လွယ်တဲ့ ဘာသာရေး ချိန်ခွင် လျှာညှိဖို့ ကြိုးစားနေတဲ့ ဗုဒ္ဓဘာသာဝင် အစွန်းရောက်တွေရဲ့ တိုက်ခိုက်လာမယ့်ဘေးအန္တရာယ်မှ ကာကွယ်ဖို့အတွက်ပါ။

ရန်ကုန်မြို့က မွတ်စလင်တွေ ထိတ်လန့်နေရတာကလည်း မြန်မာပြည်အလယ်ပိုင်းက မြို့တော်တော်များများမှာ ပြီးခဲ့တဲ့ ၂ ပတ်အရင်က ဖြစ်ပွားခဲ့တဲ့ မွတ်စလင်ဆန့်ကျင်ရေးအကြမ်းဖက်မှုတွေ သူတို့ဆီ ကူးဆက်လာမှာကို စိုးရိမ်လို့ပါ။

ဧပြီလ ၂ ရက်နေ့ မနက်စောစောကြီးမှာ မြို့လယ်ခေါင်က မွတ်စလင်ဘော်ဒါဆောင် မီးလောင်လို့ ကျောင်းသားငယ် ၁၃ ယောက်သေဆုံးခဲ့ရပါတယ်။ ဒေသခံအာဏာပိုင်တွေကတော့ ချက်ချင်းဆိုသလို ထရန်စဖော်မာ အပူရှိန်လွန်ကဲလို့ မီးလောင်ရတာဆိုပြီး ကျောင်းအုပ်ချုပ်ရေးတာဝန်ခံကို ဖမ်းဆီးလိုက်ပါတယ်။ ဒေသခံ မီဒီယာတွေကလည်း အစိုးရရဲ့ အာဘော်အတိုင်း သံယောင်လိုက်ကြပါတယ်။ မွတ်စလင်တွေကတော့ ဒါကို အမှန်လို့ မယုံကြည်ကြပါဘူး။ မွတ်စလင်တွေ ဟာ ရဲတွေကိုလည်း မယုံကြဘူး။ မွတ်စလင်ရပ်ကွက်တွေမှာ ကိုယ့်လုံခြုံရေးကိုယ်ယူကြတယ်။ အိမ်နီးနားချင်းတွေနဲ့ပဲ လမ်းကို ကင်းလှည့်စောင့်ရှောက်ကြတယ်။

ရဲတွေအပေါ် ယုံကြည်ချက်ကင်းမဲ့

ဘာသာရေးစာသင်ကျောင်း မီးလောင်ပြီး နောက်ညမှာတော့ မင်္ဂလာတောင်ညွှန်မြို့နယ်မှာရှိတဲ့ အင်္ဂလိပ်ခေတ်ကတည်းက တည်ဆောက်ခဲ့တဲ့ ဘင်္ဂါလီစုဗလီကို လူ(၄)ဦးက ဓာတ်ဆီပုလင်းဗုံးနဲ့ ပစ်ဖောက် လုပ်ကြံဖို့ ကြိုးစားခဲ့ပါတယ်။ လမ်းသူလမ်းသားတွေက ၁ ဦးကို ဖမ်းဆီးရမိပြီး ရဲလက်အပ်လိုက်ပါတယ်။ ဒါပေမယ့် နာရီဝက်အတွင်းမှာပဲ အဲဒီလူကို လွှတ်ပေးလိုက်ပါတယ်။
ဒီတော့ မွတ်စလင်တွေက ရဲတွေကို မယုံတော့ပါဘူး။

“ကျွန်တော်တုိ့ ရဲတွေကို မယုံဘူး၊ သူတို့က ဖမ်းမိတဲ့ မသမာသူတွေကိုလည်း ပြန်လွှတ်ပေးတယ်၊ မသမာသူတွေ ညတွင်းချင်း နောက်တစ်ခေါက် ပြန်ရောက်လာရင် ဘယ်လိုလုပ်မလဲ၊ ဒါကြောင့် တစ်ညလုံး ကျွန်တော်တို့ စိုးရိမ်နေရတယ်၊ ရဲတွေက ဟန်ပြပဲ ဖမ်းတာ၊ တကယ် အရေးမယူဘူး”လို့ ဂျမီးလ်(နာမည်လွှဲ)က ပြောပြပါတယ်။

ကိုယ့်လမ်းကုိုယ် လုံခြုံရေးယူထားရတဲ့ ဟာရှင်(နာမည်လွှဲ)ကတော့ ညစဉ် ကင်းစောင့်ရတာ ၁၅ ရက်ရှိပါပြီတဲ့၊ သူ့ကြည့်ရတာ ခြေကုန်လက်ပမ်းကျနေတဲ့ပုံပါပဲ။

“ကျွန်တော့်အဖေရော၊ ကျွန်တော်တို့အဖိုးရော ဒီမှာ မွေးတာ၊ ကျွန်တော်တို့လည်း ဒီမှာပဲ မွေးဖွားကြီးပြင်းတာကိုတောင် သူတို့က ကျွန်တော်တို့ကို ဧည့်သည်လို့ ဆက်ဆံတယ်။ ကျွန်တော်တို့ အခုမှ ရောက်လာတဲ့ ဧည့်သည်တွေမဟုတ်ဘူး။ သေရင်လည်း ဒီမှာပဲ သေမှာ။ ပြီးတော့ ထွက်ပြေးတာတွေ ဘာတွေစတဲ့ သတ္တိကြောင်တဲ့ အလုပ်တွေလည်း မလုပ်ဘူး၊ ဒါကြောင့် ကိုယ့်လုံခြုံရေး ကိုယ်ယူရနေရတာပါ” လို့ ဟာရှင်က ဆိုတယ်။

မွတ်စလင် သုတ်သင်ရေး

မြန်မာပြည်က မွတ်စလင်တွေဟာ ကာလရှည်ကြာစွာ ဖိနှိပ်ခံခဲ့ရတဲ့အပြင် ပြီးခဲ့တဲ့နှစ်က ရခိုင်မှာ ရိုဟင်ဂျာ ဆန့်ကျင်ရေး ဆိုပြီး တိုင်းရင်းသား ကမန်မွတ်စလင်တွေကိုပါ တိုက်ခိုက်သတ်ဖြတ်ခဲ့တဲ့ မကြုံစဖူး ထိုးနှက်ချက်တွေကြောင့် ဒဏ်ရာ တွေတောင် မကျက်သေးပါဘူး။ ၁၉၈၂ ခုနှစ် နိုင်ငံသားဥပဒေအရ ရိုဟင်ဂျာတွေကို နိုင်ငံသားဖြစ်ခွင့် မပေးဘဲ မြန်မာ့ လူ့အဖွဲ့အစည်းကနေ ကာလရှည်ကြာစွာ ဖယ်ကျဉ်ထားခဲ့တာပါ။ ဒါပေမယ့် ရခိုင်ပြည်က ပဋိပက္ခမှာ ဖယ်ကျဉ်ထား တဲ့ လူမျိုးစုနှစ်ခုကြားမှာ ဖြစ်ခဲ့တာပါ။ လူများစု ရခိုင်ဗုဒ္ဓဘာသာဝင်တွေဟာလည်း အပြင်းအထန် မဟုတ်တောင် အစိုးရဲ့ ဖိနှိပ်ချုပ်ချယ်မှုကို ခံကြရတာပါပဲ။ အဲဒီက မွတ်စလင်ဆန့်ကျင်ရေး အကြမ်းဖက်မှုတွေက တိုင်းပြည်ရဲ့ အခြားနေရာ တွေကိုပါ ကူးဆက်သွားမယ့်အန္တရာယ်ကို သုတေသီအများစုက ဘေးချိတ်ထားခဲ့ကြတယ်။

အကြမ်းဖက်မှုတွေဟာ ကူးဆက်ပြန့်နှံ့ခဲ့ပါတယ်။ ဒါပေမယ့် ရိုဟင်ဂျာတွေမဟုတ်တဲ့ ပြည်မက မွတ်စလင်တွေကို ပစ်မှတ် ထား ဖြစ်ပွားခဲ့တာပါ။ မိတ္ထီလာဆိုတာ နိုင်ငံအလယ်ပိုင်းက အကြီးဆုံးလေတပ်စခန်းအခြေစိုက်တဲ့မြို့ပါ။ မတ်လ ၁၉ ရက်နေ့မှာ စတင်ပြီး မွတ်စလင်ကို အဓိကထား တိုက်ခိုက်မှုမှာ လူ ၄၀ ဦးသေဆုံးတယ်လို့ ဆိုပါတယ်။ လူ့အခွင့်ရေး စောင့်ကြည့်လေ့လာရေးအဖွဲ့ (HRW)ရဲ့ အစီရင်ခံစာအရ အဆောက်အအုံ ၈၂၈ လုံး ပျက်ဆီးပြီး၊ လူပေါင်း ၈ ထောင် ကျော် အိုးမဲ့အိမ်မဲ့ ဖြစ်ခဲ့ရတယ်လို့ သိရပါတယ်။ နယူးယောက်တိုင်းရဲ့ အဆိုအရ ဒေသခံလုံထိန်းတွေဟာ ဘာမှမလုပ်နိုင် ဘဲ မီးငြှိမ်းဖို့ကိုပဲ အဓိကထားလုပ်ဆောင်ဖို့ အမိန့်ပေးခံရပါတယ်။ မတ်လ ၂၂ ရက်နေ့ အရေးပေါ်အခြေအနေ ကြေညာပြီးမှသာ မိတ္ထီလာမှာ အကြမ်းဖက်မှုတွေ အဆုံးသတ်သွားတယ်၊ ဒါပေမယ့် မကြာခင်မှာပဲ ရန်ကုန်နဲ့အနီးဆုံး ပဲခူးတိုင်းက အခြားမြို့တွေကို အကြမ်းဖက်မှုတွေ ကူးဆက်သွားပါတယ်။

“၉၆၉”နှင့် အမျိုးသားရေးအစွန်းရောက်ဝါဒ

ဒီအကြမ်းဖက်တိုက်ခိုက်မှုတွေမှာ ဖျက်မရတဲ့ အစွန်းအထင်ကတော့ “၉၆၉” ကိန်းဂဏန်းရဲ့ ပါဝင်ပတ်သက်မှုပါပဲ။ “၉၆၉”ဆိုတာ အခြေခံလူတန်းစားတွေရဲ့ ဗုဒ္ဓဘာသာအမျိုးသားရေးလှုပ်ရှားမှုသင်္ကတေတစ်ခုဖြစ်ပြီး အများစုရဲ့ထင်မြင်ချက်အရ အစိုးရပိုင်းမှ အုပ်စုတစ်စုက ထောက်ပံ့ထားတယ်လို့ ဆိုပါတယ်။ “၉၆၉”ရဲ့ တရားဝင်မဟုတ်တဲ့ ခေါင်းဆောင်တွေကတော့ အဲဒီလှုပ်ရှားမှုဟာ နိုင်ငံခြားသားလွှမ်းမိုးမှု ဒဏ်ခံနေရတဲ့ ဗုဒ္ဓဘာသာဝင် တွေရဲ့ အကြမ်းမဖက်တုန့်ပြန်မှုလို့ဆိုတယ်။ ဒါပေမယ့် သူတုိ့ရဲ့ အာဝဇ္ဇန်းကောင်းကောင်းနဲ့ ဟောပြောနေ တာကတော့ ၂၀ ရာစုက ရက်စက်ကြမ်းကြုတ်တဲ့အဖြစ်အပျက်ဆိုင်ရာ စကားလုံးတွေနဲ့ ၀ါဒရေးရာ ရိုက်သွင်းမှုတွေပါပဲ။

“၉၆၉”ဆိုတာ ၁၉၉၀ ခုနှစ်က သာသနာရေးဝန်ကြီးဌာနက ၀န်ထမ်းတစ်ဦးဖြစ်သူ နှစ်ဖက်လှ ဦးကျော်လွင်က စာအုပ်တစ်အုပ်မှာ စတင် ဖန်တီးရေးသားခဲ့တဲ့ ၀ါဒတစ်ခုပါ။ တောင်အာရှနိုင်ငံတွေမှာ မွတ်စလင်တွေဟာ “အလ္လာဟ်အရှင်ရဲ့နာမတော်ဖြင့်အစပြုပါ၏”လို့ အဓိပ္ပာယ်ရတဲ့ အရဗီစာသားကို “၇၈၆”ဆိုတဲ့ နံပါတ်နဲ့ အစားထိုးပြီး သူတို့ရဲ့ စီးပွားရေးလုပ်ငန်းတွေမှာ မွတ်စလင်ပိုင်အဖြစ် ရည်ညွှန်းဖော်ပြခဲ့ကြတယ်။ “၉၆၉”ထောက်ခံသူတွေကတော့ ၇ +၈+၆=၂၁ ဆိုပြီး ဒါဟာ မွတ်စလင်တွေ ၂၁ ရာစုမှာ မြန်မာပြည်ကို သိမ်းမယ့် သင်္ကေတပဲလို့ မှတ်ယူကြတယ်။ ဒါကြောင့် “၉၆၉”ကိန်းဂဏန်းဟာ မွတ်စလင်တွေရဲ့ “၇၈၆”ကို နက္ခတဗေဒသဘောအရ ဆန့်ကျင်ဖို့ ကြံရွယ်ခဲ့ပါတယ်။ သူတို့အဆိုရ ဘုရားဂုဏ်တော် ၉ ပါး၊ တရားဂုဏ်တော် ၆ ပါး၊ သံဃာဂုဏ်တော် ၉ ပါး ဆိုတဲ့ ရတနာသုံးပါးကို ကိုယ်စားပြုကာ “၉၆၉”ဖြစ်ပေါ်လာပါသတဲ့။

ပြီးခဲ့တဲ့နှစ် နိုဝင်ဘာလမှာကတည်းက နှစ်ဖက်လှ ဦးကျော်လွင်ရဲ့ အိုင်ဒီယာက ထင်ရှားလာပါတော့တယ်။ မွန်ပြည်နယ်က ဂါဏ၀ါစကသံဃာ ရဲ့ အမိန့်ထုတ်ပြန်ချက်နဲ့ ဒေသတွင်း မွတ်စလင်ဆန့်ကျင်ရေးလှုပ်ရှားမှုအဖြစ် စတင်လှုံ့ဆော်ခဲ့ပါတယ်။ ပြီးခဲ့တဲ့ ဇန်န၀ါရီလကတည်းက ရန်ကုန်မြို့မှာလည်း တက္ကစီတွေ၊ ဘတ်စ်ကားတွေနဲ့ စီးပွားရေးလုပ်ငန်းငယ်လေးတွေမှာ တောက်ပတဲ့ “၉၆၉”စတေကာတံဆိပ်တွေကို ဂုဏ်ယူဝင့်ကြွားစွာ တပ်ဆင်လာကြပါတယ်။

ဦးထွန်းခင်(နာမည်လွှဲ)ရဲ့ ကားမှာ “၉၆၉” အဆောင်အယောင်တွေမရှိပေမယ့်လည်း သူ့ရဲ့ယုံကြည်မှုကိုတော့ အခုလိုပြောပြပါတယ်။
“မွတ်စလင်တွေဟာ အရမ်းတော်တယ်။ ပါးနပ်တယ်။ သူတို့ရဲ့ လိမ္မာပါးနပ်မှုက ဗုဒ္ဓဘာသာလူ့အဖွဲ့အစည်းကို ခြိမ်းခြောက်နေတယ်။ တစ်ချို့မွတ်စလင်တွေကတော့ ကောင်းပါတယ်။ ဒါပေမယ့် အများစုကတော့ အလီဘာဘာတွေပဲ”
“သူတို့ဟာ မွတ်စလင်နိုင်ငံတွေကနေ ပိုက်ဆံတွေရနေတယ်။ ပြီးတော့ ကျုပ်တို့ကို သိမ်းပိုက်ပြီး ဗုဒ္ဓဘာသာကို ဖျက်ဆီးချင်တယ်၊ သူတို့က နိုင်ငံခြားသားတွေပဲ၊ ကျုပ်တို့က သူတို့ကို ဧည့်သည့်အဖြစ် ကောင်းကောင်းမွန်မွန်ဆက်ဆံတာကို သူတို့ ဂုဏ်ယူသင့်တယ်”လို့ ဦးထွန်းခင်က ဆိုတယ်။

တရားဝင်မဟုတ်တဲ့ “၉၆၉”ခေါင်းဆောင်

“၉၆၉”ဂိုဏ်းကို တရားဝင်မဟုတ်ပေမယ့် လက်တွေ့ဦးစီးဦးဆောင်ပြုနေတဲ့ ခေါင်းဆောင်မှာ ရှင်ဝီရသူဖြစ်ပြီး ၂၀၀၃ ခုနှစ်က ဘာသာရေးအကြမ်းဖက်ရန်လှုံ့ဆော်မှုနဲ့ ထောင်ချခံရကာ ၂၀၁၂ ခုနှစ် ဇန်န၀ါရီလမှာတော့ လွတ်ငြိမ်းချမ်းသာ ခွင့်နဲ့ ပြန်လည်လွတ်မြောက်လာတယ်။ မန္တလေးက သူ့ဘုန်းကြီးကျောင်းမှာ တရားတွေဟာပြီး DVD အခွေတွေ ဖြန့်ဝေပါတယ်။

လူနည်းစုတွေဟာ မကြာခဏ ဓါးစာခံဖြစ်ရလေ့ရှိတဲ့အတိုင်း ဦးဝီရသူကတော့ မြန်မာပြည်ရဲ့ စီးပွားရေးကို မွတ်စလင်တွေ သိမ်းပိုက်သွားပြီလို့ ဆိုတယ်။ ဆောက်လုပ်ရေးလုပ်ငန်းကဲ့သို့ တစ်ချို့ကဏ္ဍတွေမှာတော့ မွတ်စလင်တွေ ကြီးစိုးထားတာ မှန်ပေမယ့် စီးပွားရေးအရ လွှမ်းမိုးချုပ်ကိုင်ထားတယ်ဆိုတဲ့ အယူအဆကတော့ ရယ်စရာပါပဲ။ မွတ်စလင်မဟုတ်တဲ့ စစ်တပ်နဲ့နီးစပ်တဲ့ ခရိုနီတွေကသာ တိုင်းပြည်ရဲ့ စီးပွားရေးကို အမှန်တကယ် ချုပ်ကိုင်ထားတာပါ။

ဦးဝီရသူက မွတ်စလင်ပိုင် စီးပွားရေးလုပ်ငန်းအားလုံးကို ဆန့်ကျင်ကြဖို့ နှိုးဆော်ပါတယ်။

“တကယ်လို့ မွတ်စလင်ဆိုင်က ဈေးဝယ်ရင် ကိုယ့်ပိုက်ဆံက အဲဒီမှာတင် ရပ်မသွားဘူး၊ အဲဒီပိုက်ဆံက နောက်ဆုံးမှာ ကိုယ့်ဘာသာ၊ သာသနာနဲ့ လူမျိုးကို ဖျက်ဆီးဖို့အတွက် အသုံးပြုခံရမယ်၊ အဲဒီိပိုက်ဆံနဲ့ ဗုဒ္ဓဘာသာအမျိုးသမီးတွေကို ယူမယ်၊ ပြီးရင် အတင်းအဓမ္မအစ္စလာမ်ထဲ သွတ်သွင်းကြမယ်”လို့ ဦးဝီရသူက ဟောပြောပါတယ်။

“တစ်ချိန်မှာ မွတ်စလင်ဦးရေ များလာပြီဆိုရင် တုိ့ကိုလွှမ်းမိုးလာမယ်၊ နောက် တိုင်းပြည်ကိုပါ သိမ်းပြီး မကောင်းဆိုးဝါး အစ္စလာမ်နိုင်ငံကို တည်ထောင်ကြမယ်”လို့ သူက တရားပွဲမှာ ထည့်သွင်းပြောကြားခဲ့တယ်။

နောက်ကွယ်က ကြိုးကိုင်

ဘင်္ဂလီစုဗလီမှာဖြစ်သွားတုန်းကဆိုရင် ပြဿနာဖြစ်ပြီး ၁ နာရီလောက်မှာ မွတ်စလင်လမ်းသူလမ်းသားတွေနဲ့ အိမ်နီးချင်းတွေကပဲ လုံခြုံရေးတာဝန်ယူထားကြတယ်၊ ရဲတပ်ဖွဲ့ဆိုတာကတော့ အဓိက လမ်းစုံလမ်းခွတွေမှာ အနည်းငယ်မျှ မည်ကာမတ္တ စောင့်ပေးကြတယ်။ အများစုယုံကြည်တာကတော့ တကယ်လို့ မွတ်စလင်တွေက လက်တုန့်ပြန်ရင် မွတ်စလင်တွေကို ချေမှုန်းဖို့အတွက်ပဲ သူတို့လာတာ၊ မွတ်စလင်တွေကို စောင့်ရှောက်ဖို့မဟုတ်ဘူးလို့ ဆိုတယ်။

“ရဲကတော့ ဘာမှကြောက်စရာမလိုဘူးလို့ ကျွန်တော်တို့ကို ပြောပါတယ်၊ ဒါပေမယ့် ပြည်သူတွေက သူတို့ကို မယုံဘူး”လို့ ဂျမီးလ်က ရှင်းပြပါတယ်။

မိတ္ထီလာကိစ္စမှာဆိုရင်လည်း စစ်တပ်မြို့ဖြစ်ပြီး ၃ ရက်ကြာမှ စစ်တပ်က ၀င်ရောက်ထိန်းသိမ်းတယ်ဆိုတာ မေးခွန်းထုတ်စရာပါပဲ။ လုံခြုံရေးတပ်ဖွဲ့ဝင်တွေဟာ မြို့အသီးသီးမှာ ပြဿနာကို ကိုင်တွယ်ဖြေရှင်းဖို့ စိတ်မပါကြတာကို ကြည့်ချင်းအားဖြင့် တိုက်ခိုက်မှုတွေကို ပူးပေါင်းဆောင်ရွက်ကြသူတွေအဖြစ်နဲ့ အများစုက မှတ်ယူထားတယ်။

“၀ီရသူ ထောင်ကလွတ်လာတဲ့နောက်မှာမှ ဒီပြဿနာတွေ ဖြစ်လာတာပါ၊ ဒါပေမယ့် သူဟာ အဓိကလူတော့ မဟုတ်ဘူး၊ သူ့နောက်ကွယ်မှာ ကြိုးကိုင်နေတဲ့သူတစ်ယောက်ရှိတယ်” လို့ ဟာရှင်က ပြောပြတယ်။

မိတ္ထီလာပဋိပက္ခဖြစ်အပြီးမှာ ဒုက္ခသည်စခန်းကို ကွင်းဆင်းလေ့လာခဲ့တဲ့ ကုလသမဂ္ဂအထူးသံတမန် ဗီဂျေနမ်ဘီးယားက ဘန်ကောက်က ကုလသမဂ္ဂရုံးမှာ သတင်းစာရှင်းလင်းပွဲလုပ်တော့ “မိတ္ထီလာမှာ ကျွန်တော်တွေ့ဆုံမေးမြန်းခဲ့တဲ့ လူအများစုကတော့ အဓိက ပြစ်မှုကျူးလွန်သူတွေဟာ သူတို့မသိတဲ့ လူစိမ်းတွေပါတဲ့၊ လုပ်သွားတာတွေကို ကြည့်မယ်ဆိုရင်လည်း ရက်စက်ကြမ်းကြုတ်ပြီး အတော့်ကို လက်ယဉ် ကျွမ်းကျင်တဲ့သူတွေပါတဲ့” လို့ ပြောကြားသွားပါတယ်။

“၉၆၉”ရဲ့ ရည်ရွယ်ချက်နဲ့ နည်းဗျူဟာတွေဟာ ဗုဒ္ဓဘာသာဝင်တွေအကြားက လက်ခံယုံကြည်ထားတဲ့ မေတ္တာတရားနဲ့တော့ အလှမ်းကွာဝေးလျက်ရှိတယ်။ ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်ကတော့ သူ့နောက်လိုက်တွေကိုယ်တိုင် စိုးရိမ်ထိတ်လန့်ခဲ့ရတဲ့ ဒီပဋိပက္ခဖြစ်ပွားမှုတွေနဲပတ်သက်ပြီး တစ်စုံတစ်ရာပြောကြားဖို့ သိသိသာသာ ပျက်ကွက်ခဲ့တယ်။ ဒါပေမယ့် စစ်အာဏာရှင်တို့ကို ဆန့်ကျင်ခဲ့ကြတဲ့ ၈၈ ကျောင်းသားခေါင်းဆောင် မင်းကိုနိုင်နဲ့ ရွှေဝါရောင်ဆရာတော်တို့အပါအ၀င် တခြား အထင်ကရ နိုင်ငံရေးသမားတွေကတော့ ဒီအကြမ်းဖက်မှု၊ မုန်းတီးမှုတွေကို ပြတ်ပြတ်သားသား ဝေဖန်ရှုတ်ချခဲ့ပါတယ်။

မင်္ဂလာတောင်ညွန့်မြို့နယ်အပါအ၀င် အခြားမြန်မာပြည်တွင်းက မွတ်စလင်တွေအတွက် ရွေးချယ်စရာနည်းလမ်းကတော့ ကိုယ့်လုံခြုံရေးကိုယ်ယူပြီး သတိဝိရိယနဲ့ နိုးနိုးကြားကြားနေထိုင်ဖို့ပါပဲ။ လက်တုံ့ပြန်ဖို့ဆိုတာကတော့ သူတုိ့အတွေးထဲမှာ သိပ်မရှိပါဘူး။ အဲဒီလို လက်တုံ့ပြန်မယ်ဆိုရင် ပြဿနာတွေဟာ ဆိုးသထက် ဆိုးဝါးသွားမှာဖြစ်တယ်။

“ကျွန်တော်တို့ ခေါင်းဆောင်တွေကတော့ ကျွန်တော်တို့ကို လက်တုံ့မပြန်ဖို့ မှာထားပါတယ်၊ တကယ်လို့ လက်တုံ့ပြန်ခဲ့ရင် ကျွန်တော်တို့ဘက်က မှားသွားပါလိမ့်မယ်၊ အကောင်းဆုံးကတော့ တရားမျှတမှုရှိဖို့အတွက် အလ္လာဟ်အရှင်ထံမှာသာ ဆုတောင်းဖို့ပါပဲ၊ အစ္စလာမ်ဟာ ကလဲ့စားချေ လက်တုံ့ပြန်တဲ့ သာသနာမဟုတ်ပါဘူး” လို့ ဂျမီးလ်က ရှင်းပြပါတယ်။

- The Atlantic.com

www.myanmarmuslim.net/