အမေရိကန် ကျောင်းသားများအတွက် အစ္စလာမ်အကြောင်း သိကောင်းစရာ သီတင်းပတ် ပြပွဲပြုလုပ်

  ဖေဖော်ဝါရီ ၂၅ ၊ ၂၀၁၃

 

ကိုင်ရို။ ။အစ္စလာမ်သာသနာ၊ အစ္စလာမ့်ယဉ်ကျေးမှုနှင့် ပက်သက်၍ အမေရိကန် ကျောင်းသားများ ပိုမိုသိရှိလာစေရန် အခွင့်အရေးတစ်ခုပေးခြင်းဖြင့် နားလည်မှုလွဲမှားခြင်းများ လွင့်ပျောက်သွားစေရန်အတွက် ‘နားလည် သဘောပေါက်မှု သီတင်းပတ်’(awareness week) တစ်ခုကို အနောက် မီချီဂန်ရှိ ဂရန်းဗာလီ စတိတ်(Grand alley State) တက္ကသိုလ်မှ မွတ်စလင် ကျောင်းသူ၊ ကျောင်းသားများက ဖေဖော်ဝါရီ ၂၅ရက် တနင်္လာနေ့တွင် စတင်ပြုလုပ်ခဲ့သည်။

“ပတ်ဝန်းကျင်နဲ့ ဆက်သွယ်ဖို့၊ ပြီးတော့ ကမ္ဘာပေါ်ကအကြီးဆုံး ဘာသာတရားကို ကိုယ်စားပြုတဲ့ ကျောင်းသားအုပ်စုအကြောင်း သူတို့ကိုပြောပြဖို့ ဒီ သီတင်းပတ်ဟာ အကောင်းဆုံး ကိရိယာပါပဲ။ နောက်ပြီး မွတ်စလင်ကျောင်းသားများ အစည်းအရုံး (Muslim Students’ Association (MSA)) က ကျောင်းသားတွေဟာ ဆော်ဒီအာရေဗျ၊ ဆီးရီးယား၊ ပါကစ္စတန်နဲ့ အမေရိကန်နိုင်ငံတွေက လာကြတယ်လို့ သိရတာဟာ စိတ်ဝင်စားစရာပါ။” ဟု အဆိုပါတက္ကသိုလ်ရှိ အာရဗီဘာသာစကားနှင့် အစ္စလာမ့်ရေးရာ (Arabic and Islamic studies) ပါမောက္ခဖြစ်ပြီး၊ မွတ်စလင်ကျောင်းသားများ အစည်းအရုံး၏ အကြံပေးဖြစ်သူ ဆီဘက်စတီယန် မိုက်ဆယ် (Sebastian Maisel) က ဆိုသည်။

 

ထို သီတင်းပတ်တွင် ကဗျာရွတ်ဆိုခြင်း၊ အစ္စလာမ့်မှပြောသည့် အမျိုးသမီးအခွင့်ရေးနှင့် ပက်သက်သည့် ဟောပြောပို့ချချက်များ အပါအ၀င် ကျောင်းသူ၊ ကျောင်းသားများ အစ္စလာမ်အကြောင်း နားလည်သိရှိမှု တိုးတက်စေရန် ရည်ရွယ်သည့်အစီအစဉ်များ ပါဝင်မည်ဖြစ်ပြီး ပေါ့ပေါ့ပါးပါး ဖြစ်စေရန် လူရွှင်တော်တစ်ဦးကိုလည်း ဖိတ်ခေါ်ထားသည်ဟု သိရသည်။

 

“ဒီအစီအစဉ်တွေ၊ လှုပ်ရှားမှုတွေမှာ တက္ကသိုလ်မှာရှိတဲ့ မွတ်စလင်နိုင်ငံ ပေါင်းစုံက ကျောင်းသူ၊ ကျောင်းသားတွေ အတူတကွ ပါဝင်ဆာင်ရွက်သွားမှာပါ။” ဟု မိုက်ဆယ်က ထပ်လောင်းပြောကြားသည်။

တရားဝင် စာရင်းကောက်ယူမှုမရှိသော်လည်း အမေရိကန်နိုင်ငံတွင် အစ္စလာမ်ဘာသာဝင် ၆ သန်းမှ ၈ သန်းအထိရှိမည်ဟု ခန့်မှန်းရပြီး အမေရိကန်အများစုမှာ အစ္စလာမ်ဘာသာနှင့် အစ္စလာမ်ဘာသာဝင်များ အကြောင်း အနည်းငယ်သာသိရှိသည်ဟု စစ်တမ်းများက ဆိုသည်။

 

ဝါရှင်တန်ပို့စ်(Washington Post) သတင်းစာနှင့် ABC သတင်းဌာနတို့မှ စစ်တမ်းကောက်ယူရာတွင် အမေရိကန်နိုင်ငံသား ထက်ဝက်ကျော်က အစ္စလာမ်သာသနာနှင့်ပက်သက်၍ အပျက်သဘောဆောင်သည့် အမြင်များ ရှိနေသည်ဟု ဆိုသည်။သို့သော်လည်း လူထုဆန္ဒကောက်ယူမှုများအရ အမေရိကန်မွတ်စလင်အများစုမှာ တိုင်းပြည်အပေါ်တွင် သစ္စာစောင့်သိသူများဖြစ်ကြပြီး ၎င်းတို့၏အနာဂတ်နှင့် ပက်သက်၍ အကောင်းမြင်သူများဖြစ်သည်ဟု သိရသည်။

 

စစ်မှန်သော အစ္စလာမ်

အစ္စလာမ်၏ အဓိကမဏ္ဍိုင်များနှင့်ပက်သက်၍ ကျောင်းသူ၊ ကျောင်းသားများ သိရှိစေရန် အထူးဟောပြောပို့ချချက် တစ်ခုကိုလည်း ထို သီတင်းပတ်အတွင်း ပြုလုပ်သွားမည်ဖြစ်သည်။

“လူတွေအနေနဲ့ အသစ်အဆန်းတစ်ခု ရရှိမယ်လို့ ကျနော်မျှော်လင့်ပါတယ်။ တကယ်လို့ အရင်က အစ္စလာမ်နဲ့ပက်သက်ပြီး ဆိုးရွားတဲ့အတွေးအမြင်တွေ ရှိခဲ့မယ်ဆိုရင် ဒီ အစီအစဉ်က သူတို့ရဲ့စိတ်ကို ပြောင်းလဲနိုင်မယ်လို့ ကျနော်မျှော်လင့်ပါတယ်။” ဟု တက္ကသိုလ် မွတ်စလင်ကျောင်းသားများအစည်းအရုံး၏ ဥက္ကဌဖြစ်သူ ဇီယာနာ ခိုဒေါ(Zeana Khodor) က ဆိုသည်။

 

အဆိုပါ သီတင်းပတ်ကို အမေရိကန်ကျောင်းသားများအား အစ္စလာမ်၏ သွန်သင်မှုအစစ်အမှန်များကို မိတ်ဆက်ပေးရန် အခွင့်အရေးတစ်ခုအဖြစ် အစည်းအရုံး၏ အကြံပေး မိုက်ဆယ်က ရှုမြင်လေသည်။

“ကျောင်းသူ၊ ကျောင်းသားတွေ ဒါမှမဟုတ် လူ့အဖွဲ့အစည်းကလူတွေဟာ ဘယ်လိုမီဒီယာ ပုံစံမျိုးကနေမဆို သတင်းတွေ နားထောင်ရတဲ့အခါ (အဲဒီသတင်းတွေဟာ) အကြမ်းဖက်မှုတွေ၊ တိုက်ခိုက်မှုတွေ၊ ဗုံးခွဲမှုတွေကို မီးမောင်းထိုးပြပြီး အစ္စလာမ်ကို လိုရာဆွဲပုံ ဖော်ထားတာမျိုးသာ ဖြစ်ပါတယ်။” ဟု ဆိုသည်။အစ္စလာမ်နားလည် သဘောပေါက်မှု သီတင်းပတ်က တက္ကသိုလ်ပရ၀ုဏ်အတွင်း မတူကွဲပြားမှုများကို ဖော်ပြရာရောက်မည်ဟု မိုက်ဆယ်က ဆိုသည်။

 

“ဒါက အနောက်မီချီဂန်မှာရှိတဲ့ ကျနော်တို့လူ့အဖွဲ့အစည်းဟာ တစ်သားတည်းဖြစ်တယ်ဆိုတဲ့ နားလည်မှုမျိုးရှိတယ်ဆိုတာကို မြင်စေပါတယ်။ ပြီးတော့ ဒီ တက္ကသိုလ်ပရ၀ုဏ်ဟာ အယူဝါဒ ဘယ်လောက်များများကို ကိုယ်စားပြုထားတယ်ဆိုတာ ကျောင်းသားတွေ တအံတသြ သိရှိစေပါတယ်။”

အမေရိကန်များအကြား အစ္စလာမ်၏ ပုံရိပ်အမှန်ကို ဖော်ပြရန် အမေရိကန် မွတ်စလင်များက လှုပ်ရှားမှုအများအပြားကို ပြုလုပ်ခဲ့ကြသည်။

 

မွတ်စလင်အများစု ယုံကြည်လိုက်နာကြသည့် ဂျီဟတ်၏ အဓိပ္ပါယ်အစစ်အမှန်ကို ရှင်းပြသည့် လှုပ်ရှားမှုတစ်ခုကိုလည်း မွတ်စလင်တက်ကြွလှုပ်ရှားသူများက ချီကာဂိုမြို့တွင် ပြုလုပ်ခဲ့ကြသည်။ နောက်ပိုင်းတွင် ထို လှုပ်ရှားမှာ ဆန်ဖရန်စစ္စကိုနှင့် ၀ါရှင်တန် ဒီစီမြို့များသို့လည်း ပျံနှံသွားခဲ့လေသည်။

 

M-Media  သတင်း